విజయ్ బంగారం హామీ vs మోదీ బంగారం కొనవద్దు పిలుపు: TVK ప్రభుత్వానికి సవాల్

తమిళనాడు ముఖ్యమంత్రి విజయ్ బంగారం పంపిణీ హామీలు అమలు చేయడానికి ప్రయత్నిస్తున్న సమయంలో, ప్రధాని నరేంద్ర మోదీ దేశ ప్రజలను ఏడాది పాటు బంగారం కొనకుండా ఉండాలని కోరారు.

ఎన్నికల ముందు విజయ్ ఇచ్చిన హామీలు ఇవి: పేద కుటుంబాల అమ్మాయిల పెళ్ళికి 8 గ్రాముల బంగారం, ప్రభుత్వ ఆసుపత్రిలో పుట్టిన పిల్లలందరికీ బంగారు ఉంగరం.

ఆ ఉంగరం ఎంత బరువు ఉంటుందనే విషయంపై ప్రభుత్వం ఇంకా స్పష్టత ఇవ్వలేదు. 2024-25లో తమిళనాడు ప్రభుత్వ ఆసుపత్రుల్లో 4,51,547 మంది పిల్లలు పుట్టారని అంచనా. ఒక్కొక్కరికి 1 గ్రాము 22 క్యారెట్ బంగారం ఇచ్చినా, కేవలం ఈ పథకానికే దాదాపు ₹677 కోట్లు ఖర్చు అవుతుందని లెక్కలు చెప్తున్నాయి. 8 గ్రాముల పెళ్లి బంగారం పథకం అమలు మరింత ఖర్చుతో కూడుకున్న పని అవుతుంది.

ప్రమాణ స్వీకారం తర్వాత విజయ్ ప్రభుత్వం ఇప్పటివరకు మూడు హామీలు అమలు చేసింది: 200 యూనిట్ల ఉచిత విద్యుత్, మహిళల భద్రత కోసం task force, మాదక ద్రవ్యాల నివారణకు anti-narcotics task force పోలీస్ స్టేషన్ ఏర్పాటు. బంగారం పంపిణీ హామీలు అమలు జరుగుతాయా అనే విషయంపై స్పష్టత రావాల్సి ఉంది.