డిజిటల్ మహానాడుకు హాజరుకు చీరలు ఆఫర్ — TDP మహిళ ఆడియో వివాదం

TDP డిజిటల్ మహానాడు కార్యక్రమానికి హాజరయ్యే మహిళలకు చీరలు పంచుతామని పేర్కొన్న ఒక ఆడియో క్లిప్ వెలుగులోకి వచ్చింది. రాఘవేంద్ర గ్రాండ్ వేదికగా జరిగే ఈ కార్యక్రమానికి ప్రతి SSG గ్రూప్ నుంచి ఐదుగురు మహిళలు హాజరు కావాలని ఆడియోలో 'సుశీల' అనే వ్యక్తి కోరింది.

ఆడియోలో పేర్కొన్న వివరాల ప్రకారం — ఉదయం 9:30కి వేదికకు చేరుకోవాలి, 10 గంటలకల్లా హాజరు నిర్ధారించాలి. మధ్యాహ్నం లంచ్ కూడా అక్కడే ఏర్పాటు చేశారని చెప్పింది. రెండు రోజులు కార్యక్రమం ఉంటుందని తెలిపింది.

గత సారి చీరలు అక్కడే వదిలేసి వెళ్లారని, ఈసారి అలా చేయవద్దని ఆడియోలో హెచ్చరించింది. చీరలు, గిఫ్ట్స్ తీసుకొని వెళ్లాలని కోరింది.

ఈ ఆడియో విషయంపై TDP అధికారిక స్పందన తెలియాల్సి ఉంది.