పశ్చిమ గోదావరిలో TDP-జనసేన నేతల మధ్య వివాదాలు కొనసాగుతున్నాయి

ఉమ్మడి పశ్చిమ గోదావరి జిల్లాలోని కొన్ని నియోజకవర్గాల్లో TDP, జనసేన నేతల మధ్య విభేదాలు తగ్గడం లేదు. 2024 ఎన్నికలు ముగిసి రెండేళ్లు అయినా ఇరు పార్టీల క్యాడర్ కలిసి పని చేయడం లేదని సమాచారం.

జనసేన MLA ఉన్న నియోజకవర్గంలో TDP ఇంచార్జీలు అసంతృప్తి వ్యక్తం చేస్తున్నారు. TDP MLA ఉన్న చోట జనసేన ఇంచార్జీలు నైరాశ్యం ప్రదర్శిస్తున్నారు. పదవుల పంపకం, ఇసుక మరియు మద్యం అమ్మకాల్లో వాటాల విషయంలో తేడాలు వస్తున్నాయని తెలుస్తోంది.

తాడేపల్లిగూడెం నియోజకవర్గంలో పరిస్థితి తీవ్రంగా ఉంది. జనసేన MLA బొలిశెట్టి శ్రీనివాస్‌తో కలిసి పని చేసేందుకు TDP ఇంచార్జ్ బాబ్జీ సిద్ధంగా లేరని తెలుస్తోంది. భీమవరం, పోలవరం, ఉంగుటూరు నియోజకవర్గాల్లోనూ ఇదే పరిస్థితి నెలకొంది.

ఇరు పార్టీల అధినేతలు నేతలు కలిసి పని చేయాలని ఆదేశిస్తున్నారు. అయితే క్షేత్రస్థాయిలో పరిస్థితి మారడం లేదని సమాచారం. రాబోయే స్థానిక సంస్థల ఎన్నికలపై ఈ విభేదాలు ఎలాంటి ప్రభావం చూపుతాయనే ఆందోళన రెండు పార్టీల నేతల్లోనూ వ్యక్తమవుతోంది.