TDP మహానాడులో ఆర్థిక నివేదిక: పార్టీ జనరల్ ఫండ్ ₹485 కోట్లు

తెలుగుదేశం పార్టీ మహానాడు 2026లో APSRTC చైర్మన్, మాజీ MP కొనకళ్ళ నారాయణ 2025-26 వార్షిక ఆర్థిక నివేదికను సమర్పించారు.

పార్టీకి 2025-26 సంవత్సరంలో మొత్తం ₹90.64 కోట్ల రాబడి వచ్చింది. ఇందులో సభ్యత్వ రుసుముల ద్వారా ₹1.62 కోట్లు, విరాళాల ద్వారా ₹58.38 కోట్లు, వడ్డీ ఆదాయం ద్వారా ₹29.10 కోట్లు వచ్చాయి.

మొత్తం ఖర్చు ₹74.25 కోట్లు అయింది. ఈ సంవత్సరానికి ₹16.39 కోట్ల మిగులు నమోదైంది. మార్చి 2026 నాటికి పార్టీ జనరల్ ఫండ్ విలువ ₹485.81 కోట్లుగా ఉంది.

ఖర్చుల్లో అత్యధికంగా ₹46.26 కోట్లు పార్టీ సభ్యుల సంక్షేమ బీమా కింద వెచ్చించారు. అలాగే ప్రచార ఖర్చులు ₹16.52 కోట్లు, ఆఫీస్ ఖర్చులు ₹5.09 కోట్లు, ఉద్యోగుల జీతాలు ₹0.52 కోట్లు అయ్యాయి.

పార్టీ సభ్యులు ప్రమాదవశాత్తు మరణిస్తే వారి కుటుంబాలకు బీమా అందిస్తున్నారని, సభ్యుల పిల్లలకు NTR ట్రస్ట్ ద్వారా విద్యా సహాయం అందిస్తున్నారని కొనకళ్ళ నారాయణ తెలిపారు.

మహానాడులో పాల్గొన్న నాయకులు, కార్యకర్తలు పార్టీకి విరాళాలు ఇవ్వాలంటే online ద్వారా ఇచ్చే వ్యవస్థ ఏర్పాటు చేస్తున్నారని ప్రకటించారు. వార్షిక నివేదికను ఆమోదించవలసిందిగా సభ్యులను కోరారు.