TDP మహానాడులో కీలక తీర్మానాలు — చంద్రబాబు ముగింపు ఉపన్యాసం

TDP మహానాడు రెండో రోజు CM చంద్రబాబు నాయుడు రాజకీయ తీర్మానం ప్రవేశపెట్టనున్నారు. ఆయన ముగింపు ఉపన్యాసంతో మహానాడు కార్యక్రమం ముగుస్తుంది.

మహానాడులో అన్నదాతకు మద్దతు, రాష్ట్రానికి కేంద్ర సహాయం, మౌలిక సదుపాయాల కల్పన, శాంతి భద్రతలు, ఆధ్యాత్మిక ఆంధ్ర వంటి అంశాలపై తీర్మానాలు ఆమోదిస్తారు. NTR జయంతి సందర్భంగా నివాళులు అర్పించే కార్యక్రమం కూడా జరుగుతుంది.

తొలిరోజు మహానాడులో 48 మంది నేతలు వివిధ తీర్మానాలపై ప్రసంగించారు. పార్టీ శ్రేణులు TDP కి ₹12 కోట్లు విరాళంగా ఇచ్చారు. ఇందులో మేమిరెడ్డి దంపతులు ₹1 కోటి అందజేశారు. BC జనార్దన్ రెడ్డి, భాష్యం రామకృష్ణ, మాగుంట శ్రీనివాస్ రెడ్డి తలా ₹1 కోటి చొప్పున ఇచ్చారు.

తొలిసారిగా మహానాడు వేదికపై ఒక transgender వ్యక్తికి ప్రసంగించే అవకాశం కల్పించారు. MLA గల్లా మాధవి PA వర్షిని ఈ వేదికపై మాట్లాడారు.

పార్లమెంట్ బిల్లుతో సంబంధం లేకుండా వచ్చే ఎన్నికల్లో మహిళలకు 33% సీట్లు కేటాయిస్తామని నారా లోకేష్ ప్రకటించారు. ఈ ప్రతిపాదనను ఆమోదించాలని పార్టీ శ్రేణులను చంద్రబాబు కోరారు.

వర్చువల్ విధానంలో 7.5 లక్షల మంది మహానాడుకు హాజరవడం రికార్డు అని చంద్రబాబు పేర్కొన్నారు.