ఎన్టీఆర్‌కు భారతరత్న ఇవ్వాలని TDP మహానాడు తీర్మానం

మంగళగిరిలో జరిగిన TDP మహానాడు రెండో రోజు సమావేశంలో పలు కీలక తీర్మానాలు ఆమోదించారు. TDP వ్యవస్థాపకుడు, మాజీ CM ఎన్టీఆర్‌కు భారతరత్న పురస్కారం ఇవ్వాలని తీర్మానం చేశారు. ఎన్టీఆర్ దేశానికి, తెలుగు జాతికి చేసిన సేవలను కేంద్రం గుర్తించాలని AP CM చంద్రబాబు నాయుడు డిమాండ్ చేశారు.

వచ్చే ఎన్నికల్లో TDP నుంచి మహిళలకు 33% సీట్లు ఇస్తామని చంద్రబాబు ప్రకటించారు. దేశవ్యాప్తంగా మహిళా రిజర్వేషన్ల కోసం పోరాడుతామని కూడా చెప్పారు. నియోజకవర్గాల్లో సమర్థ మహిళా నాయకత్వాన్ని ప్రోత్సహిస్తామని TDP working president నారా లోకేష్ తెలిపారు.

24 నెలల్లో రాష్ట్రానికి 24 లక్షల కోట్ల పెట్టుబడులు సాధించామని మంత్రి అచ్చన్నాయుడు పేర్కొన్నారు. గత ప్రభుత్వ హయాంలో ఉన్న పరిశ్రమలు కూడా వెళ్లిపోయాయని ఆరోపించారు.

ఈ మహానాడుపై YSRCP సీనియర్ నేత, మాజీ మంత్రి RK రోజా తీవ్రంగా విమర్శించారు. ప్రతిపక్ష నేతలు ప్రశ్నిస్తే కేసులు పెట్టి వేధిస్తున్నారని ఆరోపించారు. మహిళా బిల్లుపై మహానాడులో అధికారికంగా తీర్మానం చేసి కేంద్రానికి పంపే సాహసం చేయమని సవాల్ విసిరారు.

కడప జిల్లా మీదిపెంట లో అరటి పంట నష్టాన్ని YSRCP MP అవినాష్ రెడ్డి పరిశీలించారు. గత ప్రభుత్వం బీమా ప్రీమియం చెల్లించేదని, ప్రస్తుత ప్రభుత్వం హయాంలో రైతులే ప్రీమియం కట్టాల్సి వస్తోందని ఆరోపించారు. వెదర్ స్టేషన్లు పని చేయకుండా పంట బీమా ఎలా నోటిఫై చేశారని ప్రభుత్వాన్ని నిలదీశారు.

ఈ విషయంపై AP ప్రభుత్వ స్పందన తెలియాల్సి ఉంది.