గిరిజన విద్యార్థి ఘటనపై వివాదం: ఉపాధ్యాయురాలు గౌతమి రాజీనామా

తన చర్యలపై నెలకొన్న వివాదం నేపథ్యంలో ప్రభుత్వ పాఠశాల ఉపాధ్యాయురాలు గౌతమి రాజీనామా చేశారు. ఆమె ఓ వీడియోలో భావోద్వేగంగా మాట్లాడుతూ, ఒక గిరిజన విద్యార్థి విషయంలో తెలీకుండా తప్పు చేశానని, దానికి క్షమాపణలు చెప్పానని చెప్పారు.

ఈ ఘటన తర్వాత ఆమెను ఆరు నెలల పాటు విధుల్లోకి తీసుకోలేదని, వివాదం, ట్రోలింగ్ వల్ల మానసికంగా అలసిపోయానని గౌతమి తెలిపారు. సోషల్ మీడియా, మీడియా నిందల వల్లే రాజీనామా చేస్తున్నానని, మీడియా వ్యక్తిగత భావోద్వేగాలతో ఆడుకోవద్దని ఆమె కోరారు.

గౌతమి గతంలో ఆర్పి, డిఆర్పిగా పనిచేశారని, తనకు మంచి ప్రశంసలు ఉన్నాయని చెప్పారు. నిందలు, ట్రోలింగ్ కొనసాగుతున్న సమయంలో ఉపాధ్యాయ వృత్తిలో కొనసాగలేని పరిస్థితి దారితీసిందన్నారు. ఈ విషయంపై విద్యాశాఖ అధికారులు స్పందించాల్సి ఉంది.