తెలంగాణలో 7.6% మహిళలు ఒంటరి జీవితం: ఎస్ఆర్ఎస్ నివేదిక

కేంద్ర ప్రభుత్వం విడుదల చేసిన శాంపిల్ రిజిస్ట్రేషన్ సిస్టమ్ (SRS) నివేదిక ప్రకారం తెలంగాణలో 7.6% మంది మహిళలు ఒంటరిగా జీవిస్తున్నారు. జాతీయ సగటు 5.4% తో పోలిస్తే ఇది ఎక్కువ.

దక్షిణాది రాష్ట్రాల్లో ఒంటరి మహిళల శాతం గణనీయంగా పెరుగుతోంది. తమిళనాడులో 11.6% మంది మహిళలు ఒంటరిగా ఉండగా, కేరళలో 10.4%, ఆంధ్రప్రదేశ్‌లో 8% మంది ఒంటరి జీవితం గడుపుతున్నారు. ఈ లెక్కలన్నీ జాతీయ సగటు కంటే చాలా ఎక్కువ.

విడాకులు, భర్త మరణం, మహిళల సగటు జీవితకాలం పురుషుల కంటే ఎక్కువగా ఉండటం వల్ల ఈ సంఖ్య పెరుగుతోంది. పట్టణీకరణ, మహిళల ఆర్థిక స్వేచ్ఛ, చిన్న కుటుంబాల వ్యవస్థ కూడా ఇందుకు కారణమని నివేదిక వివరించింది. పల్లెల్లో భర్తను కోల్పోయిన మహిళలు రెండో పెళ్లి చేసుకోకుండా ఒంటరిగా ఉండటం ఎక్కువగా కనిపిస్తోంది.

దేశంలో ఒంటరిగా ఉండే పురుషుల శాతం కేవలం 1.6% మాత్రమే. మహిళలతో పోలిస్తే పురుషులు ఐదు రెట్లు తక్కువగా ఒంటరి జీవితం గడుపుతున్నారు. బీహార్‌లో ఈ శాతం 2% మాత్రమే ఉండటం గమనార్హం.