తెలంగాణలో రెండు నెలల్లో 14.22 కోట్ల బీర్ సీసాలు విక్రయం

తెలంగాణలో ఏప్రిల్, మే నెలల్లో 14.22 కోట్ల బీరు సీసాలు విక్రయమయ్యాయి. గతేడాది ఇదే కాలంలో 10.46 కోట్ల బీర్లు మాత్రమే అమ్ముడవడంతో, ఈ ఏడాది 35% అధికంగా అమ్మకాలు నమోదయ్యాయి.

ముఖ్యంగా హైదరాబాద్ ప్రాంతంలో బీర్ డిమాండ్ ఎక్కువగా ఉంది. రాష్ట్రంలోని 2,620 మద్యం దుకాణాలు, 1,200 బార్లలో సగం వరకు హైదరాబాద్, సికింద్రాబాద్, మేడ్చల్, రంగారెడ్డి జిల్లాల్లో ఉన్నాయి. పెద్ద నగరాల్లో రోజువారీ సగటు బీరు వినియోగం 2.3 లక్షల కేసులకు చేరుకుంది.

నెలల వారీగా చూస్తే, ఏప్రిల్లో 56.21 లక్షల సీసాలు అమ్ముడవగా, గతేడాది ఇదే నెలలో 46.46 లక్షలు మాత్రమే అమ్మయ్యాయి. మే నెలలో 62.40 లక్షల సీసాలు విక్రయమయ్యాయి; అంతకుముందు సంవత్సరం 50 లక్షల ఉండేది.

వడగాలులు పెరగడంతో బీరు అమ్మకాలు గణనీయంగా పెరిగాయి. మొత్తం మద్యం విక్రయాల ద్వారా రెండు నెలల్లో రూ.7,300 కోట్ల ఆదాయం వచ్చింది. ఇందులో హార్డ్ లిక్కర్ వాటా రూ.3,700 కోట్లు.