తెలంగాణ BJP రైతు పర్యటనలో ధర్మపురి అరవింద్ గైర్హాజరు — పార్టీలో చర్చ

తెలంగాణ BJP 'రైతు ఘోష బీజేపీ భరోసా' పేరుతో నాలుగు రోజుల పర్యటన నిర్వహించింది. ధాన్యం కొనుగోళ్లలో జాప్యం జరుగుతోందని, రైతులకు న్యాయం చేయాలని డిమాండ్ చేస్తూ ఈ కార్యక్రమం చేపట్టారు.

పార్టీ నేత మహేశ్వర్ రెడ్డి నేతృత్వంలో ఈ పర్యటన సాగింది. రాష్ట్ర అధ్యక్షుడు రామచంద్రరావు మొదటి రోజు పాల్గొన్నారు. MP లు, MLA లు, MLC లు ఒకే బస్సులో కలిసి market yard లు, IKP సెంటర్లు సందర్శించారు.

నిరసన కార్యక్రమం కావడంతో కేంద్ర మంత్రులు కిషన్ రెడ్డి, బండి సంజయ్ పాల్గొనలేదు. Lok Sabha MP లు DK అరుణ, ఈటల రాజేందర్, కొండా విశ్వేశ్వర్ రెడ్డి, రఘునందన్ రావు, నగేష్ పాల్గొన్నారు.

నిజామాబాద్ MP ధర్మపురి అరవింద్ మాత్రం ఈ పర్యటనలో పాల్గొనలేదు. పర్యటన అరవింద్ నియోజకవర్గ పరిధిలోనే జరిగినప్పటికీ ఆయన గైర్హాజరయ్యారు. ఆహ్వానం అందిందా లేదా, ఆయన అందుబాటులో లేరా అనే చర్చ పార్టీలో జరుగుతోంది. ఆయన పాల్గొంటే పార్టీ కార్యకర్తలలో మంచి సంకేతాలు వెళ్లేవని పార్టీ వర్గాలు అభిప్రాయపడుతున్నాయి.

ఈ విషయంపై ధర్మపురి అరవింద్ స్పందన తెలియాల్సి ఉంది. BJP హై కమాండ్ ఈ అంశంపై ఎలా స్పందిస్తుందో వేచి చూడాలి.