ధాన్యం కొనుగోలు సమస్యలపై BJP 'రైతు భరోసా యాత్ర' ప్రారంభం

తెలంగాణలో ధాన్యం కొనుగోలు కేంద్రాల సమస్యలపై BJP మూడు రోజుల పాటు క్షేత్ర స్థాయి పర్యటన చేపట్టింది. ఈ కార్యక్రమాన్ని 'రైతు గోస, BJP భరోసా యాత్ర' పేరుతో నిర్వహిస్తున్నారు.

హైదరాబాద్ నుండి బస్సు యాత్ర రూపంలో BJP నేతలు వికారాబాద్ జిల్లాలోని పుల్కచర్లకు బయలుదేరారు. రాత్రి గజ్వేల్ వ్యవసాయ మార్కెట్ కమిటీని కూడా పరిశీలించనున్నారు. BJP MP లు కొండ విశ్వేశ్వర్ రెడ్డి, ఈటల రాజేందర్, DK అరుణ, రఘునందన్ రావు పాల్గొన్నారు. BJP నేత మహేశ్వర్ రెడ్డి, MLAలు రామారావు పటేల్, పాల్వాయి హరీష్ బాబు, ధన్పాల్ సూర్యనారాయణ గుప్త, పైడి రాకేష్ రెడ్డి, కాటిపల్లి వెంకటరమణ రెడ్డి కూడా ఉన్నారు.

తెలంగాణలో ఈ సీజన్‌లో 141 లక్షల మెట్రిక్ టన్నుల ధాన్యం పండించగా, ప్రభుత్వం ఇప్పటివరకు 45 లక్షల మెట్రిక్ టన్నులు మాత్రమే కొనుగోలు చేసిందని BJP ఆరోపించింది. మార్కెట్‌లో పండిన ధాన్యంలో 30 శాతం కూడా కొనుగోలు కాలేదని BJP నేత మహేశ్వర్ రెడ్డి పేర్కొన్నారు.

సీఎం గతంలో 80% కొనుగోలు పూర్తైందని చెప్పారని, ఈ లెక్కలు సరికాదని BJP ఆరోపించింది. ప్రభుత్వం వెంటనే ధాన్యం కొనుగోలుపై white paper విడుదల చేయాలని MP ఈటల రాజేందర్ డిమాండ్ చేశారు. ప్రతి గింజ కొనుగోలు చేయించే వరకు పోరాటం కొనసాగిస్తామని BJP నేతలు ప్రకటించారు.

ఈ విషయంపై తెలంగాణ ప్రభుత్వ స్పందన తెలియాల్సి ఉంది.