ఇందిరమ్మ ఇళ్ల లబ్ధిదారులతో దీపావళి.. మంత్రులకు క్యాబినెట్ ఆదేశం

ఇందిరమ్మ ఇళ్ల లబ్ధిదారుల ఇళ్లలోనే దీపావళి కార్యక్రమం చేపట్టాలని తెలంగాణ రాష్ట్ర క్యాబినెట్ నిర్ణయించింది. 'మా ఇందిరమ్మ ఇంట్లో దీపావళి' పేరుతో ఈ కార్యక్రమం జరగనుంది. ఒక్కో ఇందిరమ్మ ఇంట్లోనైనా ఈ కార్యక్రమంలో పాల్గొనాలని క్యాబినెట్ నిర్ణయం తీసుకుంది.

ఈ కార్యక్రమంలో మంత్రులు, ఎమ్మెల్యేలు, ఎమ్మెల్సీలు, ఎంపీలు పాల్గొనాలి. కార్పొరేషన్ల అడ్వైజర్లు, సర్పంచిలు, మున్సిపల్ చైర్‌పర్సన్లు కూడా తమ వార్డుల్లో, డివిజన్లలో ఈ కార్యక్రమంలో పాల్గొనాలని క్యాబినెట్ తెలిపింది. ఈ వివరాలను మంత్రి పొంగులేటి వెల్లడించారు.

ఈ కార్యక్రమాన్ని గతంలోనే ప్రకటించారు. దానిపై ఈరోజు రాష్ట్ర క్యాబినెట్‌లో చర్చ జరిగింది. ఆ తర్వాత ప్రతినిధుల భాగస్వామ్యంపై నిర్ణయం వెలువడింది.

తొలి విడతలో సుమారు 22.25 లక్షల ఇందిరమ్మ ఇళ్లు పూర్తయినట్టు మంత్రి తెలిపారు. ఈ ఇళ్లన్నింటిలోనూ దీపావళి కార్యక్రమం జరగాలని నిర్ణయించారు.

ముఖ్యమంత్రి 7, 8, 9 తేదీల్లో మూడు రోజులు తన నియోజకవర్గం కొడంగల్‌లో ఉండనున్నారని మంత్రి పొంగులేటి చెప్పారు. అక్కడ మెగా రైతు మేళా, ఇండస్ట్రియల్ ఎక్స్‌పో ఏర్పాటు చేస్తున్నారు. ఈ మూడు రోజుల్లో ముఖ్యమంత్రి ఆ కార్యక్రమాల్లో పాల్గొంటారు.