తెలంగాణ క్యాబినెట్ సమావేశం 21న: ఇందిరమ్మ పథకం, పెన్షన్లు చర్చకు రానున్నాయి

తెలంగాణ మంత్రివర్గ సమావేశం ఈ నెల 21న జరగనుంది. సచివాలయంలో CM రేవంత్ రెడ్డి అధ్యక్షతన ఈ సమావేశం జరుగుతుంది.

ఇందిరమ్మ భీమ పథకాన్ని రాష్ట్రవ్యాప్తంగా అమలు చేయడంపై క్యాబినెట్‌లో చర్చ జరుగుతుందని ప్రభుత్వ వర్గాలు తెలిపాయి. కృష్ణా నది జలాల కేటాయింపుల అంశం కూడా చర్చకు రానుంది.

ఉద్యోగుల health card, పెన్షనర్ల retirement benefits చెల్లింపుపై కీలక నిర్ణయం తీసుకునే అవకాశం ఉంది. పంట కొనుగోలు, జర్నలిస్టులకు ఇళ్ల స్థలాల అంశాలూ చర్చకు వస్తాయని ప్రభుత్వ వర్గాలు పేర్కొన్నాయి.

అయితే సరస్వతీ నది అంత్యపుష్కరాలు అదే రోజు జరగనున్నాయి. దాంతో మెజారిటీ మంత్రులు పుష్కరాలకు హాజరవుతారని, సమావేశాన్ని 23వ తేదీకి మార్చాలని కోరుతున్నారని సమాచారం. 23న CM రేవంత్ రెడ్డి యాదాద్రిగుట్టలో అభివృద్ధి కార్యక్రమాల్లో పాల్గొనే కార్యక్రమం కూడా ఉంది. సమావేశం 21న జరగాలని అధికారికంగా ప్రకటించారు. తేదీ మార్పుపై తుది నిర్ణయం ప్రభుత్వం తీసుకోవాల్సి ఉంది.