తెలంగాణ కేబినెట్ సమావేశం: ఇందిరమ్మ బీమా, ఆసరా పెంపుపై నిర్ణయాలు

తెలంగాణ ముఖ్యమంత్రి రేవంత్ రెడ్డి అధ్యక్షతన సచివాలయంలో కేబినెట్ సమావేశం జరిగింది. సాయంత్రం నాలుగు గంటలకు ప్రారంభమైన ఈ సమావేశం రాత్రి వరకు కొనసాగింది.

ఇందిరమ్మ కుటుంబ జీవిత బీమా విధి విధానాలను ఖరారు చేయడం ఈ సమావేశంలో ప్రధాన అంశాల్లో ఒకటి. ఇందిరమ్మ ఇళ్ల పథకం రెండో దశ ప్రారంభంపై కూడా నిర్ణయం తీసుకోనున్నారు. గ్రేటర్ హైదరాబాద్‌లో పాత ఇళ్లు కూల్చి, మూడు నుంచి అయిదు అంతస్తుల భవనాలు నిర్మించే ప్రతిపాదన చర్చకు వచ్చింది.

ఆసరా పించన్ పెంపు కూడా కేబినెట్ అజెండాలో ఉంది. ప్రస్తుతం ₹2,500 ఉన్న ఆసరా పించన్‌ను ₹500 పెంచే అవకాశం ఉందని తెలుస్తోంది. జూన్ 2న తెలంగాణ ఆవిర్భావ దినోత్సవం సందర్భంగా ఈ ప్రకటన వచ్చే అవకాశం ఉంది.

విద్యార్థులకు స్కాలర్‌షిప్లు, fee reimbursement విషయంలో కూడా చర్చ జరిగే అవకాశం ఉంది. Highcourt ఆదేశాల మేరకు మూడు నెలలకు ఒకసారి లేదా ఆరు నెలలకు ఒకసారి ఇవ్వాలనే అంశంపై నిర్ణయం తీసుకోనున్నారు.

రైతు భరోసా చెల్లింపులు, ధాన్యం కొనుగోలు సమస్యలపై కూడా చర్చ జరిగే అవకాశం ఉంది. విద్యుత్ రంగానికి సంబంధించి వ్యవసాయ, lift irrigation సబ్సిడీ పథకాలను మూడు distribution companies ద్వారా నిర్వహించే ప్రణాళికపై కూడా కేబినెట్ పరిశీలించనుంది.

ఈ నెల 21న జరగాల్సిన కేబినెట్ సమావేశం సరస్వతి అంత్య పుష్కరాల కారణంగా వాయిదా పడింది. జూన్ 2న తెలంగాణ ఏర్పాటుకు 14 సంవత్సరాలు పూర్తవుతున్న నేపథ్యంలో ఆవిర్భావ దినోత్సవ ఏర్పాట్లపై కూడా సమావేశంలో చర్చ జరిగే అవకాశం ఉంది.