జూన్ 23న తెలంగాణ క్యాబినెట్ సమావేశం — ఫీజ్ నియంత్రణ, పెన్షన్లు చర్చకు రానున్నాయి

తెలంగాణ మంత్రివర్గ సమావేశం జూన్ 23న సాయంత్రం 4 గంటలకు సచివాలయంలో జరగనుంది. ముఖ్యమంత్రి రేవంత్ రెడ్డి ఈ సమావేశానికి అధ్యక్షత వహిస్తారు.

ఎజెండాలో 15 నుంచి 20 అంశాలు ఉన్నట్లు తెలుస్తోంది. ఫీజుల నియంత్రణ, రాష్ట్ర ఆవిర్భావ వేడుకల నిర్వహణ, ఇందిరా కుటుంబ భీమా మార్గదర్శకాలు, తుమ్మిడిహటి ప్రాజెక్టు, జర్నలిస్టుల ఇళ్లస్థలాలు వంటి అంశాలు చర్చకు రానున్నాయి.

తొలుత ఈ సమావేశం జూన్ 21కి నిర్ణయించారు. అయితే సరస్వతీ నది అంత్య పుష్కరాల కార్యక్రమం నేపథ్యంలో తేదీని 23కు మార్చారు. CS రామకృష్ణరావు ఈ మేరకు సర్క్యులర్ జారీ చేశారు.

రైతు భరోసా చెల్లింపులు, యూరియా సరఫరా, ఫీజ్ రీయంబర్స్మెంట్, కొత్త పెన్షన్ల అమలు వంటి అంశాలపై ప్రభుత్వం ఇంకా స్పష్టమైన నిర్ణయాలు తీసుకోలేదని విమర్శలు ఉన్నాయి. పెన్షన్ల విషయంలో CM జూన్ 2న ప్రకటన చేసే అవకాశం ఉందని అధికార వర్గాల వర్గాల సమాచారం.

అదే రోజు CM రేవంత్ రెడ్డి భువనగిరి జిల్లా యాదాద్రిగుట్టకు వెళ్తారు. అక్కడ వేద పాఠశాల, ఇతర అభివృద్ధి పనుల శంకుస్థాపన కార్యక్రమాల్లో పాల్గొంటారు. అనంతరం సచివాలయానికి వచ్చి మంత్రివర్గ సమావేశానికి అధ్యక్షత వహిస్తారు.