తెలంగాణ కేబినెట్ పునర్వ్యవస్థీకరణ వదంతులు — మంత్రులలో ఆందోళన

తెలంగాణ మంత్రిమండలి పునర్వ్యవస్థీకరణ జరుగుతుందని కాంగ్రెస్ వర్గాల్లో చర్చ సాగుతోంది. దీంతో కొందరు మంత్రులు ఆందోళనకు లోనవుతున్నారు.

జూన్ 7కి కాంగ్రెస్ ప్రభుత్వానికి రెండున్నర సంవత్సరాలు పూర్తవుతాయి. ఇప్పటివరకు పూర్తి స్థాయి మంత్రిమండలి ఏర్పడలేదు. మరో రెండు మంత్రి పదవులు భర్తీ కావలసి ఉంది.

రెండు పదవులలో ఒకటి BC సామాజిక వర్గానికి, మరొకటి రెడ్డి సామాజిక వర్గానికి దక్కే అవకాశం ఉందని పార్టీ వర్గాలు చెబుతున్నాయి. BC వర్గానికి పదవి వస్తే ప్రభుత్వ విప్ ఆది శ్రీనివాస్ పేరు చర్చలో ఉంది. రెడ్డి వర్గం నుండి బోధని ఎమ్మెల్యే సుదర్శన్ రెడ్డి, ఇబ్రహీంపట్నం ఎమ్మెల్యే మల్రెడ్డి రంగారెడ్డి, పరిగి ఎమ్మెల్యే రామ్మోహన్ రెడ్డి పేర్లు వినిపిస్తున్నాయి.

రామ్మోహన్ రెడ్డి, మల్రెడ్డి రంగారెడ్డి ఇప్పటికే ఢిల్లీలో కాంగ్రెస్ అధిష్టానాన్ని కలిసి మంత్రి పదవి కోసం విజ్ఞప్తి చేశారని తెలుస్తోంది.

ASSembly speaker గా కొనసాగుతున్న గుత్తా సుఖేందర్ రెడ్డి (Prasad Kumar) కూడా తనకు కేబినెట్‌లో చోటు కల్పించాలని పార్టీ పెద్దలను కలిశారని సమాచారం. కొందరు ప్రస్తుత మంత్రుల శాఖలు మారవచ్చని, ఇద్దరు ముగ్గురికి ఉద్వాసన పలికే అవకాశం కూడా ఉందని TPCC వర్గాలు చెబుతున్నాయి.

CM రేవంత్ రెడ్డి కేబినెట్ పునర్వ్యవస్థీకరణ వదంతులను కొట్టిపారేశారు. అయితే మంత్రుల పనితీరు, వారిపై వస్తున్న ఆరోపణలను దృష్టిలో పెట్టుకొని మార్పులు చేసే అవకాశం ఉందని పార్టీ వర్గాలు పేర్కొంటున్నాయి. కర్ణాటక రాజకీయ కార్యక్రమాలు పూర్తయిన తర్వాత అధిష్టానం తెలంగాణ కేబినెట్ పునర్వ్యవస్థీకరణపై దృష్టి సారిస్తుందని చర్చ జరుగుతోంది.