రైతుల రుణ భారంపై డిప్యూటీ సీఎం భట్టి బ్యాంకులకు విజ్ఞప్తి

తెలంగాణలో కరువు పరిస్థితుల నేపథ్యంలో రైతుల రుణ భారంపై డిప్యూటీ సీఎం భట్టి విక్రమార్క బ్యాంకు అధికారులతో సమావేశమయ్యారు.

సమావేశంలో రాష్ట్ర వ్యవసాయ పరిస్థితిని ఆయన బ్యాంకర్లకు వివరించారు. పంటలు దెబ్బతిన్న నేపథ్యంలో రైతులను రుణ చెల్లింపుపై వెంటనే ఒత్తిడి చేయవద్దని కోరారు. ఈ విషయంలో అధికారులు అంగీకరించినట్లు సమాచారం.

రుణాలపై మారిటోరియం విధించారు. దీనివల్ల ఇప్పుడు వెంటనే చెల్లించాల్సిన అవసరం ఉండదు. లోన్లను రీషెడ్యూల్ చేస్తారు. మార్చి నెల వరకు ఈ ఉపశమనం కొనసాగుతుందని బ్యాంకులు తెలిపాయి.

తెలంగాణలో కరువు తీవ్రతను బట్టి మండలాలను రెండు విభాగాలుగా గుర్తించారు. తీవ్ర కరువు ఉన్న 111 మండలాలు, తక్కువ కరువు ఉన్న 254 మండలాలు ఉన్నాయని సమాచారం. తీవ్ర కరువు మండలాలకు ఎక్కువ కాలం రుణ చెల్లింపు ఉపశమనం లభిస్తుంది.

గతంలో రెండు లక్షల రూపాయల వరకు రుణమాఫీ చేశారు. ఆ తర్వాత చాలా మంది రైతులు మళ్లీ రుణాలు తీసుకున్నారు. ఇప్పుడు రైతు భరోసా కింద నేరుగా ఆర్థిక సహాయం ఇచ్చే ఆలోచన చేస్తున్నారు.

అన్ని పార్టీల నేతలతో సమావేశం నిర్వహించి సూచనలు తీసుకున్నారు. కేంద్రం నుంచి 30 వేల కోట్ల రూపాయల కరువు సాయం అడగాలని ప్రభుత్వం నిర్ణయించింది. యాసంగి పంటలపై రైతులకు సూచనలు అందిస్తున్నారు.