తెలంగాణ ఎగ్జిబిటర్ల సమావేశం: పర్సెంటేజీ విధానంపై నిర్ణయం ఈరోజు వస్తుందా?

తెలంగాణ ఎగ్జిబిటర్లు అందరూ తెలుగు ఫిలిం చాంబర్‌లోని ప్రొడ్యూసర్ కౌన్సిల్ హాల్‌లో సమావేశమవుతున్నారు. పర్సెంటేజీ విధానంపై చర్చించి భవిష్యత్తు కార్యాచరణ ప్రకటించే అవకాశం ఉంది.

తెలంగాణ ఫిలిం చాంబర్ అధ్యక్షుడు సునీల్ నారాయణ్ ఇటీవల రాజీనామా చేశారు. ఆ రాజీనామాను ఆమోదించడంతో కొత్త అధ్యక్షుడిని ఎన్నుకోవడం ఈ సమావేశంలో ముఖ్యమైన అంశం. బహుజా శేఖర్ అనే ఎగ్జిబిటర్ అధ్యక్ష పదవికి ఎన్నికయ్యే అవకాశం ఉందని తెలుస్తోంది.

పెద్ద సినిమాలకు కూడా పర్సెంటేజీ వర్తింపజేయాలని ఎగ్జిబిటర్లు డిమాండ్ చేస్తున్నారు. నిర్మాత సురేష్ బాబు అధ్యక్షతన జరిగిన మీటింగ్‌లో పెద్ద సినిమాకు rent తో పాటు 7.5% పర్సెంటేజీ ఇవ్వొచ్చని ఒక లేఖ బయటికి వచ్చింది. అయితే తన అనుమతి లేకుండానే ఆ లేఖ బయటికి వచ్చిందని సురేష్ బాబు స్పష్టం చేశారు.

ఎగ్జిబిటర్లు, నిర్మాతలు, పంపిణీదారుల మధ్య పలు రౌండ్ల చర్చలు జరిగినా ఇంకా పూర్తి స్థాయి అంగీకారం కుదరలేదు. ఈ వివాదం వల్ల తెలంగాణలోని single screen థియేటర్లలో పెద్ద సినిమాల విడుదలపై అనిశ్చితి కొనసాగుతోంది. ఈరోజు లేదా రేపటి చర్చల తర్వాత అంతిమ నిర్ణయం వెల్లడి అవుతుందని భావిస్తున్నారు.