ఫీజ్ రియంబర్స్మెంట్ బకాయిలు బీఆర్ఎస్ హయాంలోనే ఏర్పడ్డాయి: మంత్రి పొన్నం ప్రభాకర్

తెలంగాణలో ఫీజ్ రియంబర్స్మెంట్ బకాయిలు గత బీఆర్ఎస్ ప్రభుత్వ హయాంలోనే పేరుకుపోయాయని మంత్రి పొన్నం ప్రభాకర్ ఆరోపించారు. ఫీజ్ రియంబర్స్మెంట్ బకాయిలపై బీఆర్ఎస్ నేతలు చేస్తున్న ఆరోపణలు అవాస్తవమన్నారు. ఈ బకాయిలు ఒక్క రోజులో ఏర్పడినవి కావని, బీఆర్ఎస్ పాలనలోనే భారీగా జమ అయిన సమస్య అని మంత్రి తెలిపారు. ఆ సమయంలో విద్యార్థుల గురించి బీఆర్ఎస్ నేతలకు ఎందుకు గుర్తు రాలేదని ప్రశ్నించారు.

బీజేపీ డైవర్షన్ పాలిటిక్స్ చేస్తోందని మంత్రి విమర్శించారు. కేంద్రంలో ధర్మేంద్ర ప్రధాన్ రాజీనామా చేయడంతో బీజేపీ తగ్గిందని, రాష్ట్రంలోనూ తగ్గాల్సి వస్తుందని మంత్రి అన్నారు. కేంద్రం విద్యార్థులపై చిత్తశుద్ధి కలిగి ఉంటే దేశవ్యాప్తంగా ఫీజ్ రియంబర్స్మెంట్ పథకం అమలు చేయాలని డిమాండ్ చేశారు.

బీఆర్ఎస్, బీజేపీ నుంచి ఈ ఆరోపణలపై స్పందన రావాల్సి ఉంది.