తెలంగాణలో ప్రభుత్వ డాక్టర్లు నేటి నుంచి సమ్మె.. OP సేవలు బంద్

తెలంగాణలో ప్రభుత్వ డాక్టర్లు నేటి నుంచి సమ్మె చేపట్టారు. ప్రభుత్వ వైద్యుల సంఘం (TGDA) పిలుపుతో రాష్ట్రవ్యాప్తంగా ప్రభుత్వ ఆసుపత్రుల్లో OP (అవుట్‌పేషెంట్) సేవలు నిలిచిపోయాయి. ఎలక్టివ్ సర్జరీలు కూడా నిలిపివేశారు.

TGDA ప్రకారం, ప్రభుత్వం జారీ చేసిన GO 38 ట్రాన్స్‌ఫర్ విధానాన్ని ఉల్లంఘించి బదిలీలు చేస్తున్నారు. ట్రాన్స్‌ఫర్ విధానాన్ని సక్రమంగా అమలు చేయాలని డిమాండ్ చేస్తూ ఈ నిర్ణయం తీసుకున్నారు.

ఈ విషయంపై ఒక వైద్య నాయకుడు మాట్లాడుతూ.. ‘సీఎం గారు, హెల్త్ మినిస్టర్ గారు హామీ ఇచ్చినా హెల్త్ కమిషనర్ నిర్ణయాలు మార్చడం లేదు. GO 38 పూర్తిగా అమలు చేయాలి’ అని ఆవేదన వ్యక్తం చేశారు.

ప్రభుత్వం నుంచి ఈ విషయంపై ఇంతవరకు స్పందన రాలేదు. ఈ సమ్మెతో రోగులకు ఇబ్బందులు తలెత్తే అవకాశం ఉంది.