10 రోజుల్లో ధాన్యం కొనుగోలు పూర్తి చేస్తామని తెలంగాణ మంత్రులు హామీ

తెలంగాణలో ధాన్యం కొనుగోలు ఆలస్యంపై రైతులు నిరసనలు చేపట్టారు. దీంతో ప్రభుత్వం అప్రమత్తమైంది.

CM రేవంత్ రెడ్డి గత రెండు మూడు రోజులుగా ధాన్యం కొనుగోళ్లపై సమీక్షలు నిర్వహించారు. జిల్లా కలెక్టర్లతో video conference చేసి, మిషన్ మోడ్‌లో పనిచేయాలని ఆదేశించారు. లారీలు, DCM వాహనాలను పది రోజుల పాటు కేవలం paddy procurement కోసమే ఉపయోగించాలని కలెక్టర్లకు నిర్దేశించారు.

మంత్రులు ఉత్తమ్ కుమార్ రెడ్డి, కోమటిరెడ్డి వెంకట్ రెడ్డి, అడ్లూరి లక్ష్మణ్ నల్గొండ జిల్లాలో కొనుగోలు కేంద్రాలను సందర్శించారు. రైతులతో మాట్లాడి ఇబ్బందులు తెలుసుకున్నారు. మంత్రి ఉత్తమ్ కుమార్ రెడ్డి మంత్రి పొంగులేటి శ్రీనివాస్ రెడ్డితో కలిసి ఖమ్మం జిల్లా కూసుమంచిలో కొనుగోలు కేంద్రాలను పరిశీలించారు.

ఈ యాసంగి సీజన్‌లో చివరి ధాన్యపు గింజ వరకు కొనుగోలు చేస్తామని మంత్రి ఉత్తమ్ కుమార్ రెడ్డి హామీ ఇచ్చారు. మిగిలిన ధాన్యం మొత్తాన్ని 10 రోజుల్లో కొనుగోలు చేస్తామని ప్రభుత్వం ప్రకటించింది.

ఈ ఏడాది తెలంగాణలో 65 లక్షల ఎకరాల్లో 141 లక్షల మెట్రిక్ టన్నుల వరిపంట పండింది. ఇందులో 80 నుంచి 90 లక్షల మెట్రిక్ టన్నుల కొనుగోలుకు చర్యలు తీసుకుంటున్నట్లు ప్రభుత్వం తెలిపింది. ఇప్పటికే 30 లక్షల మెట్రిక్ టన్నుల ధాన్యం కొనుగోలు జరిగింది.

మొక్కజొన్న విషయానికి వస్తే, 11.21 లక్షల ఎకరాల్లో 20 లక్షల మెట్రిక్ టన్నులకు పైగా మొక్కజొన్న పండింది. ఇందులో 5.50 లక్షల మెట్రిక్ టన్నుల కొనుగోలు పూర్తైంది. మిగిలిన మొక్కజొన్నను కూడా సేకరిస్తామని ప్రభుత్వం హామీ ఇచ్చింది.

అకాల వర్షాలు కూడా ధాన్యం నిల్వలకు నష్టం కలిగిస్తున్నాయని రైతులు ఆందోళన వ్యక్తం చేస్తున్నారు.