రిటైర్డ్ ఉద్యోగులకు ₹2000 కోట్ల బకాయిలు విడుదల చేసిన తెలంగాణ ప్రభుత్వం

తెలంగాణ ప్రభుత్వం రిటైర్డ్ ఉద్యోగులకు ₹2,000 కోట్ల బకాయిలు విడుదల చేసింది. Deputy CM భట్టి విక్రమార్క ఆదేశాల మేరకు ఈ నిధులు విడుదలయ్యాయి. 100 రోజుల్లో ₹6,000 కోట్లు ఇస్తామని CM రేవంత్ రెడ్డి హామీ ఇచ్చారు. మిగిలిన ₹4,000 కోట్లు కూడా విడుదల చేయనున్నట్లు ప్రభుత్వం తెలిపింది.

ఆర్థిక శాఖ ముఖ్య కార్యదర్శి సందీప్ కుమార్ సుల్తానియా మాట్లాడుతూ, ముందస్తు ప్రణాళికలతో ఈ బకాయిలు చెల్లించడం సాధ్యమైందన్నారు.

ధాన్యం కొనుగోళ్ళ విషయంలో మంత్రి ఉత్తం కుమార్ రెడ్డి మాట్లాడారు. తెలంగాణలో ఇప్పటిదాకా 60 లక్షల టన్నుల ధాన్యం కొనుగోలు చేశామన్నారు. రైతు ఖాతాల్లో ₹11,050 కోట్లు జమ చేశామని తెలిపారు. తడిసిన ప్రతి గింజ కొనే వరకు కొనుగోలు కేంద్రాలు కొనసాగుతాయన్నారు. రాష్ట్రంలో 12 లక్షల టన్నుల మొక్కజొన్నలు కూడా కొన్నట్లు మంత్రి తుమ్మల నాగేశ్వరరావు తెలిపారు.

ఇందిరమ్మ ఇళ్ళ నిర్మాణంపై మంత్రి పొంగులేటి శ్రీనివాస్ రెడ్డి మాట్లాడారు. 50 ఏళ్ళ అవసరాలను దృష్టిలో పెట్టుకొని ఇళ్ళు నిర్మించాలన్నారు. 10 అంతస్తుల వరకు భవనాల ప్లాన్ సిద్ధం చేయాలన్నారు. BRS హయాంలో కట్టిన ఇళ్ళ కంటే ఎక్కువ ఇళ్ళు GHMC పరిధిలో కడితే KTR ఎన్నికల్లో పోటీ చేయొద్దని సవాలు విసిరారు.

Unified Smart Card పేరుతో అన్ని ప్రభుత్వ సేవలను ఒకే కార్డుతో అందించే ప్రణాళికను 10 రోజుల్లో సిద్ధం చేయాలని Chief Secretary రామకృష్ణ రావు అధికారులను ఆదేశించారు.