ధాన్యం కొనుగోలు ఆలస్యానికి హమాలీల కొరతే కారణం: మంత్రి ఉత్తం కుమార్ రెడ్డి

తెలంగాణలో ధాన్యం కొనుగోలు ఆలస్యానికి హమాలీల కొరత కారణమని మంత్రి ఉత్తం కుమార్ రెడ్డి తెలిపారు. బెంగాల్ ఎన్నికలు, బీహార్‌లో గోధుమ పంట సీజన్ పొడిగించడంతో బెంగాలీ కూలీలు సొంత రాష్ట్రాలకు వెళ్ళారని చెప్పారు. ఈ సమస్య పరిష్కారానికి ప్రభుత్వం చర్యలు తీసుకుందని తెలిపారు.

ఈ సీజన్‌లో రాష్ట్రంలో 142 లక్షల మెట్రిక్ టన్నుల ధాన్యం పండిందని మంత్రి వెల్లడించారు. అయితే కేంద్రం 52 లక్షల మెట్రిక్ టన్నులు మాత్రమే కొంటుందని చెప్పారు. కేంద్రం స్పందన లేకపోవడంతో రాష్ట్ర ప్రభుత్వం సొంతంగా మొక్కజొన్నలు కొనాలని నిర్ణయించిందని మంత్రి తుమ్మల నాగేశ్వరరావు తెలిపారు.

మొక్కజొన్న కొనుగోలు కోసం ఇప్పటికే కేటాయించిన ₹4,000 కోట్లకు అదనంగా ₹1,800 కోట్లు కేటాయించారు. జొన్నల కొనుగోలుకు ₹1,100 కోట్లు వెచ్చించనున్నారు. జిల్లాల వారిగా కొనుగోళ్లకు ఏర్పాట్లు పూర్తి చేయాలని అధికారులను ఆదేశించారు.

తరుగు పేరుతో రైతులకు ఇబ్బందులు కలిగిస్తే కఠిన చర్యలు తీసుకుంటామని మంత్రి ఉత్తం హెచ్చరించారు. పొద్దుతిరుగుడు పంటను 25 శాతానికి మించి కొనాలని CM రేవంత్ రెడ్డి ఆదేశాలు జారీ చేశారని మంత్రి తెలిపారు. ధాన్యం కొనుగోలుపై BJP, BRS తప్పుడు ప్రచారం చేస్తున్నాయని మంత్రి ఆరోపించారు.

హైదరాబాద్ జూబ్లీ హిల్స్‌లో CM రేవంత్ రెడ్డిని తమిళనాడు మంత్రి విశ్వనాథన్ కలిశారు. CM నివాసంలో సౌజన్య భేటీ జరిగింది. CM రేవంత్ ఆయనను శాలువాతో సత్కరించారు.