తెలంగాణలో తీవ్ర వడగాలులు — ప్రభుత్వం హీట్ వేవ్ యాక్షన్ ప్లాన్ 2026 విడుదల

తెలంగాణలో వచ్చే ఐదు రోజులు తీవ్రమైన వడగాలులు కొనసాగుతాయని అధికారులు హెచ్చరించారు. ముఖ్యంగా ఉత్తర తెలంగాణ జిల్లాల్లో అత్యధిక ఉష్ణోగ్రతలు నమోదవుతాయని తెలిపారు. 45 డిగ్రీలకు పైగా ఉష్ణోగ్రతలు నమోదయ్యే జిల్లాలకు red alert జారీ చేశారు.

మంత్రి పొంగులేటి శ్రీనివాస రెడ్డి 20 శాఖల అధికారులతో సమీక్ష నిర్వహించారు. తెలంగాణ స్టేట్ హీట్ వేవ్ యాక్షన్ ప్లాన్ 2026ను విడుదల చేశారు. CM రేవంత్ రెడ్డి ఉత్తర తెలంగాణ అధికారులకు ఓఆర్ఎస్ ప్యాకెట్లు అందుబాటులో ఉంచాలని ఆదేశించారు. తాగునీరు, విద్యుత్ సరఫరాపై ప్రత్యేక దృష్టి సారించాలని సూచించారు.

హైదరాబాద్‌లో రోజుకు 15,000 ట్యాంకర్ల ద్వారా నీరు అందిస్తున్నారు. మోటార్లు కాలిపోతే 24 గంటల్లో బాగు చేయాలని ఆదేశించారు. ప్రతి ఆసుపత్రిలో వడదెబ్బ రోగులకు ప్రత్యేక ward ఏర్పాటు చేయాలని medical శాఖకు సూచించారు.

ప్రిన్సిపల్ సెక్రెటరీ హరిచందన్ మాట్లాడుతూ జులై వరకు Summer Action Plan అమలు చేస్తున్నట్టు తెలిపారు. వాతావరణ హెచ్చరికలు రోజుకు మూడు సార్లు color-coded alerts రూపంలో జిల్లా కలెక్టర్లు, SP లు, వ్యవసాయ శాఖ, వైద్య శాఖ అధికారులకు పంపుతున్నారని చెప్పారు.

నిర్మాణ కార్మికులు, రైతులు, రోడ్లపై పని చేసే కార్మికులకు మధ్యాహ్న వేళల్లో విశ్రాంతి కల్పించేలా పరిశ్రమలకు సూచించారు. బస్ స్టాండ్లు, మార్కెట్లలో తాగునీరు, మజ్జిగ షెల్టర్లు ఏర్పాటు చేస్తున్నారు.