తెలంగాణలో తీవ్ర వేడి: 18 జిల్లాలకు రెడ్ అలర్ట్, వడదెబ్బ మరణాలు నమోదు

తెలంగాణలో ఉష్ణోగ్రతలు 45 డిగ్రీలకు పైగా నమోదవుతున్నాయి. IMD 18 జిల్లాలకు రెడ్ అలర్ట్ జారీ చేసింది. వడదెబ్బతో మరణాలు కూడా నమోదవుతున్నాయి.

ఆదిలాబాద్, కొమురంభీమ్ అసిఫాబాద్, మంచిర్యాల, ఖమ్మం, వరంగల్, హనుమకొండ ఆరు జిల్లాలకు severe heat wave హెచ్చరిక ఉంది. నిర్మల్, నిజామాబాద్, జగిత్యాల, రాజన్న సిరిసిల్ల, కరీంనగర్, పెద్దపల్లి, జయశంకర్ భూపాలపల్లి, ములుగు, నల్గొండ, మహబూబాబాద్, సూర్యపేట, జనగాం జిల్లాలకు heat wave హెచ్చరిక జారీ చేశారు. orange alert ఉన్న జిల్లాల్లో 41 నుండి 44 డిగ్రీల మధ్య ఉష్ణోగ్రతలు నమోదయ్యే అవకాశం ఉంది.

నిన్న ఆదిలాబాద్ జిల్లాలో ఐదుగురికి పైగా వడదెబ్బతో మరణించారు. తెలంగాణ రాష్ట్రవ్యాప్తంగా మొత్తం 34 మంది మరణించినట్లు తెలుస్తోంది. ఉత్తర తెలంగాణ జిల్లాల్లో మరణాలు అధికంగా నమోదయ్యాయి.

వచ్చే నాలుగైదు రోజులు ఎండల తీవ్రత కొనసాగుతుందని IMD తెలిపింది. ఉదయం 11 గంటల నుండి మధ్యాహ్నం 4 గంటల వరకు బయటకు రావద్దని అధికారులు సూచిస్తున్నారు. అత్యవసరంగా వెళ్లేవారు గొడుగు, water bottle తప్పనిసరిగా తీసుకెళ్లాలని, 15-20 నిమిషాలకు ఒకసారి నీళ్లు తాగాలని సూచించారు.

పిల్లలు, వృద్ధులు, గర్భిణీ స్త్రీలు ఎక్కువ జాగ్రత్తగా ఉండాలని ఆరోగ్య శాఖ తెలిపింది. National Human Rights Commission భవన నిర్మాణ కార్మికులు, వలస కార్మికులు, రైతులకు పని గంటలు తగ్గించాలని, విశ్రాంతి ఇవ్వాలని నివేదిక విడుదల చేసింది. వాతావరణ శాఖ జిల్లా అధికారులతో సమన్వయం చేసుకుంటూ హెచ్చరికలు అందజేస్తోంది.