మార్గదర్శి ఫైనాన్షియర్స్కు ఊరట: ఐటీ నోటీసులు కొట్టివేసిన తెలంగాణ హైకోర్టు

మార్గదర్శి ఫైనాన్షియర్స్కు ఆదాయపు పన్ను శాఖ 2008లో జారీ చేసిన షోకాస్ నోటీసులను తెలంగాణ హైకోర్టు శుక్రవారం కొట్టివేసింది.

ఈ నోటీసులను సవాల్ చేస్తూ రామోజీరావు హెచ్యూయూఎఫ్ తరఫున ఐదు వేర్వేరు పిటిషన్లు దాఖలయ్యాయి. జస్టిస్ పి. శ్యామ కోషి, జస్టిస్ సుద్దాల చలపతిరావులతో కూడిన ధర్మాసనం విచారణ చేపట్టింది. పిటిషనర్ తరఫు న్యాయవాది వాదనలు వినిపిస్తూ ఈ సంస్థ డిపాజిట్లను నగదు రూపంలో స్వీకరించలేదని స్పష్టం చేశారు. అన్ని లావాదేవీలు డిమాండ్ డ్రాఫ్ట్లు, అకౌంట్ పేయి చెక్కుల ద్వారానే జరిగాయని కోర్టు దృష్టికి తీసుకొచ్చారు. ఆదాయ పన్ను చట్టం 1961లోని సెక్షన్ 271డి కింద అధికారులు చట్టపరమైన ప్రక్రియ అనుసరించలేదని, జరిమానా విధించే ముందు కారణాలు నమోదు చేయలేదని ఆయన పేర్కొన్నారు.

జయలక్ష్మి మిల్స్ కేసులో సుప్రీం కోర్టు ఇచ్చిన తీర్పును పరిగణనలోకి తీసుకున్న ధర్మాసనం ఐటీ శాఖ నోటీసులను కొట్టివేస్తూ ఉత్తర్వులు జారీ చేసింది.