తెలంగాణలో వానాకాలం సీజన్‌కు వ్యవసాయ శాఖ సన్నాహాలు

తెలంగాణ వ్యవసాయ శాఖ వానాకాలం సీజన్‌కు కార్యాచరణ ప్రణాళిక సిద్ధం చేసింది. ఈ సీజన్‌లో రాష్ట్రంలో మొత్తం 1 కోటి 34 లక్షల 66 వేల ఎకరాల్లో పంటలు సాగు చేయాలని లక్ష్యంగా పెట్టుకున్నారు.

పత్తి పంట 52 లక్షల ఎకరాల్లో సాగవుతుందని అంచనా వేస్తున్నారు. దీని కోసం 2.12 కోట్ల cotton seed ప్యాకెట్లు సిద్ధం చేశారు. అవసరానికి రెట్టింపు స్థాయిలో విత్తనాలు అందుబాటులో ఉంచనున్నారు. 66 లక్షల ఎకరాల్లో వరి సాగు జరగవచ్చని అంచనా.

కంది పంటకు ప్రత్యేక ప్రాధాన్యం ఇచ్చారు. 7 లక్షలకు పైగా ఎకరాల్లో కంది సాగు చేయాలని లక్ష్యంగా పెట్టుకున్నారు. సోయాబీన్ 4.96 లక్షల ఎకరాల్లో, పెసర్లు, మినుములు కూడా సాగు చేయాలని ప్రణాళిక రూపొందించారు.

ఈ నెల 18 నుంచి 22 వరకు జిల్లాల్లోని వర్సిటీ కేంద్రాల్లో అడ్వాన్స్ బుకింగ్ ద్వారా విత్తనాలు బుక్ చేసుకోవాలని అధికారులు రైతులకు సూచించారు.

యూరియా విషయంలో 12 లక్షల టన్నులు అవసరమవుతాయని వ్యవసాయ శాఖ అంచనా వేసింది. కేంద్ర ప్రభుత్వం ఈ సీజన్‌కు 10 లక్షల టన్నుల యూరియా కేటాయించింది. ఏప్రిల్, మే, జూన్ నెలల్లో నెలకు 2 లక్షల టన్నుల చొప్పున 6 లక్షల టన్నులు సరఫరా చేయాలని నిర్ణయించారు. జూలైలో 1.50 లక్షల టన్నులు, ఆగస్టులో 1.50 లక్షల టన్నులు, సెప్టెంబర్‌లో 1 లక్ష టన్నుల యూరియా అందించనున్నారు.