రాష్ట్రంలో ఎబోలా కేసులు నమోదు కాలేదు: మంత్రి దామోదర

తెలంగాణలో ఇప్పటివరకు ఒక్క ఎబోలా కేసు నమోదు కాలేదని మంత్రి దామోదర రాజనరసింహ తెలిపారు. ఎబోలా లక్షణాలు ఉన్న వ్యక్తులను కూడా గుర్తించలేదని చెప్పారు. ఎయిర్పోర్ట్లో అవసరమైన జాగ్రత్త చర్యలు తీసుకుంటున్నామని ఆయన పేర్కొన్నారు. ఏ పరిస్థితినైనా ఎదుర్కొనేందుకు సిద్ధంగా ఉన్నామని స్పష్టం చేశారు.

ఎబోలా నేపథ్యంలో ముందస్తు జాగ్రత్తలపై మంత్రి దామోదర రాజనరసింహ సమీక్ష నిర్వహించారు. ప్రజా ఆరోగ్య రక్షణకు అన్ని చర్యలు తీసుకుంటున్నామని ఆయన తెలిపారు. ప్రజలు ఆందోళన చెందాల్సిన అవసరం లేదని స్పష్టం చేశారు.