తెలంగాణలో ధాన్యం కొనుగోళ్ళు ఆలస్యం — రైతుల ఆందోళనలు, నిప్పు పెట్టిన సంఘటనలు

తెలంగాణలో పలు జిల్లాల్లో ధాన్యం కొనుగోళ్ళు ఆలస్యమవుతున్నాయని రైతులు ఆందోళనలు చేపట్టారు. కొనుగోలు కేంద్రాలకు ధాన్యం తరలించి నెల నుంచి నెల రోజులకు పైగా అయినా కొనేవారు లేరని రైతులు వ్యక్తం చేస్తున్నారు.

సూర్యాపేట జిల్లా మోతేలో BRS మాజీ ఎమ్మెల్యే బొల్లం మల్లయ్య యాదవ్ రైతులతో కలిసి నిరసనకు దిగారు. కొనుగోళ్ళు వేగవంతం చేయకపోతే పరిస్థితులు మరింత దారుణంగా ఉంటాయని ఆయన ప్రభుత్వాన్ని హెచ్చరించారు.

సిద్దిపేట జిల్లా తిమ్మాపూర్‌లో రైతులు హైవే పైన ఆందోళనకు దిగారు. కల్లాల నుంచి కొనుగోలు కేంద్రాలకు తరలించే వరకు కదలమని భీష్మించారు. దీంతో హైవేపై కిలోమీటర్ల మేర traffic jam ఏర్పడింది. పోలీసులు రంగంలోకి దిగి రైతులను అక్కడి నుంచి తరలించారు.

మహబూబాబాద్ జిల్లా నరసింహులపేట మండలం వస్త్రం తండాలో రైతులు ధాన్యానికి నిప్పు పెట్టారు. కొనుగోలు కేంద్రాల వద్ద రోజుల తరబడి వేచి ఉన్నా ఫలితం లేదని, పేరు ప్రభావం ఉన్న వారి ధాన్యం మాత్రమే కొంటున్నారని రైతులు ఆరోపించారు. గోనె సంచులు కూడా ఇవ్వడం లేదని అన్నారు.

కామారెడ్డి జిల్లా ఇసన్నపల్లి, మంచిర్యాల జిల్లా పొన్నారంలోనూ ఇదే పరిస్థితి నెలకొంది. 45 రోజులు అయినా కొనుగోలు జరగలేదని రైతులు ఆగ్రహంతో ధాన్యానికి నిప్పు పెట్టి నిరసన తెలిపారు. ఖమ్మం జిల్లా కల్లూరు గూడెంలో కూడా కొనుగోలు కేంద్రాలకు తెచ్చిన పంటను స్వీకరించడం లేదని రైతులు మండిపడ్డారు.

ప్రభుత్వం వెంటనే జోక్యం చేసుకుని కొనుగోళ్ళు వేగవంతం చేయాలని రైతులు కోరుతున్నారు. పరిస్థితి మారకపోతే ఆందోళనలు మరింత తీవ్రతరం చేస్తామని హెచ్చరిస్తున్నారు. ఈ విషయంపై తెలంగాణ ప్రభుత్వం స్పందన తెలియాల్సి ఉంది.