కొరియర్లు, పార్సెల్లలో డ్రగ్స్ స్మగ్లింగ్: తెలంగాణ పోలీసుల నిఘా పెరిగింది
మాదక ద్రవ్యాల రవాణాదారులు రోడ్లు, రైలు, విమానాశ్రయాల్లో పోలీసు నిఘా పెరగడంతో కొత్త మార్గాలను ఎంచుకుంటున్నారు.
పచ్చళ్ళు, చెప్పులు, బొమ్మలు, ఫర్నిచర్ వంటి సాధారణ వస్తువుల మధ్య గంజాయి, డ్రగ్స్ దాచి కొరియర్లు, పార్సెల్స్ ద్వారా రవాణా చేస్తున్నారు. తప్పుడు పేర్లు, అడ్రస్సులు, ఆన్లైన్ చెల్లింపులతో సరఫరా సాగిస్తున్నారని పోలీసులు తెలిపారు.
గోవా నుంచి హైదరాబాద్కు హై-ఎండ్ కొకైన్ సరఫరా జరుగుతున్నట్టు సమాచారం రావడంతో తెలంగాణ పోలీసులు దర్యాప్తు మొదలుపెట్టారు. ఒక పెడ్లర్ను రెడ్ హ్యాండెడ్గా పట్టుకోగా, అతడి నుంచి ఒక నైజీరియన్ నెట్వర్క్ బయటపడింది.
ఈ నైజీరియన్ ముఠాతో పాటు గోవా, బెంగళూరు, ఢిల్లీ కేంద్రంగా పనిచేసే స్మగ్లర్లు కొరియర్ వ్యవస్థను వినియోగిస్తున్నారు. రైళ్లలోనూ డ్రగ్స్ తరలిస్తున్నారని పోలీసులు చెప్పారు. గంజాయి ఉన్న బ్యాగులను ఒక భోగీలో ఉంచి, పెడ్లర్స్ మరో భోగీలో ప్రయాణిస్తున్నట్టు గుర్తించారు.
గోవాలో డైరెక్టర్ స్థాయి నేతృత్వంలో ఏడు రోజుల పాటు అండర్ కవర్ ఆపరేషన్ నిర్వహించారు. డీఎస్పీ స్థాయి మూడు బృందాలు అనుమానిత ప్రాంతాల్లో మకాం వేసి కదలికలను గమనించి, ఒకే రాత్రి దాడులు జరిపి పెద్ద మొత్తంలో కొకైన్, MDMA, ఎక్స్టసీ మాత్రలు స్వాధీనం చేసుకున్నారు. గోవా పోలీసుల సహకారం తీసుకున్నారు.
పట్టుబడకుండా ఉండేందుకు గ్రాముల లెక్కున చిన్న మొత్తాల్లో సరఫరా చేస్తూ, పూర్తిగా డిజిటల్ చెల్లింపులు జరుపుతున్నారు. జార్ఖండ్లోని మారుమూల పోస్టాఫీసుల నుంచి స్పీడ్ పోస్ట్ ద్వారా ఇతర రాష్ట్రాలకు గంజాయి పంపినట్టు గుర్తించారు.
దీంతో పోస్టా, ప్రైవేటు కొరియర్లపై పోలీసులు ప్రత్యేక నిఘా పెట్టారు. అనుమానాస్పద పార్సెల్లను తనిఖీ చేస్తూ, నిందితులను గుర్తించే ప్రయత్నాలు కొనసాగుతున్నాయి.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
