పాస్పోర్ట్ ధృవీకరణలో తెలంగాణ పోలీసులకు జాతీయ అవార్డు

పాస్పోర్ట్ దరఖాస్తుల పరిశీలన, ధృవీకరణ ప్రక్రియలో అత్యుత్తమ సేవలందించిన తెలంగాణ పోలీస్ శాఖకు కేంద్రం జాతీయ స్థాయి అవార్డు ప్రకటించింది.

2025-26 సంవత్సరానికి గాను ఇన్స్టిట్యూషనల్ పర్ఫార్మెన్స్ అవార్డుకు ఎంపిక చేస్తూ విదేశాంగ మంత్రిత్వ శాఖ జాయింట్ సెక్రెటరీ, చీఫ్ పాస్పోర్ట్ ఆఫీసర్ ముబారక్ రాష్ట్ర డీజీపీ సీవీ ఆనంద్‌కు లేఖ పంపారు.

ఈ నెల 18, 19 తేదీల్లో ఢిల్లీలోని జవహర్‌లాల్ నెహ్రూ భవన్‌లో జరిగే పాస్పోర్ట్ అధికారుల సదస్సులో ఈ అవార్డును కేంద్ర విదేశాంగ మంత్రి జయశంకర్ చేతుల మీదుగా డీజీపీ సీవీ ఆనంద్ అందుకోనున్నారు.

ప్రతి జూన్‌లో నిర్వహించే పాస్పోర్ట్ సేవ కార్యక్రమంలో ఈ అవార్డులను ప్రదానం చేస్తారు. పాస్పోర్ట్ సేవల్లో దేశంలోనే అత్యుత్తమ రాష్ట్రంగా తెలంగాణ నిలిచిందని ఈ గుర్తింపు తెలియజేస్తోంది.