ఇందిరమ్మ ఇళ్ల పథకంలో కొత్త రూఫ్ రిప్లేస్మెంట్ స్కీమ్: ₹2 లక్షల సహాయం

తెలంగాణ ప్రభుత్వం ఇందిరమ్మ ఇళ్ల పథకంలో భాగంగా కొత్త రూఫ్ రిప్లేస్మెంట్ స్కీమ్ తీసుకొచ్చింది. ఈ పథకం కింద అర్హులైన లబ్ధిదారులకు ₹2 లక్షల ఆర్థిక సహాయం అందిస్తారు. ఈ డబ్బును తిరిగి చెల్లించాల్సిన అవసరం లేదు.

పథకానికి కొన్ని అర్హత నిబంధనలు ఉన్నాయి. దరఖాస్తుదారుకు సొంత ఇల్లు, సొంత స్థలం ఉండాలి. వారు తెల్ల రేషన్ కార్డు దారులై ఉండాలి. ఇంటి విస్తీర్ణం 600 చదరపు అడుగుల లోపు ఉండాలి. ఇంటి గోడలు గట్టిగా ఉండాలి. పైకప్పుపై పెంకులు లేదా రేకులు ఉండాలి. సగం గోడ కూలిన మట్టి ఇళ్లు కూడా అర్హమే. కుటుంబంలో ఎవరికీ ప్రభుత్వ ఉద్యోగం ఉండకూడదు. వారు ఇన్‌కమ్ ట్యాక్స్ కట్టకూడదు. ప్రభుత్వ పెన్షన్ తీసుకోకూడదు.

దరఖాస్తు గ్రామ పంచాయతీ సెక్రటరీ దగ్గర ఇవ్వాలి. దరఖాస్తుతో పాటు ఇంటి ఫోటో, తెల్ల రేషన్ కార్డు, బ్యాంక్ అకౌంట్ వివరాలు, ఇన్‌కమ్ సర్టిఫికెట్, కుల ధ్రువపత్రం, ఆధార్ కార్డు సమర్పించాలి. చిరునామా రుజువు కోసం ఓటర్ ఐడీ, గ్యాస్ బిల్లు లేదా కరెంట్ బిల్లు ఇవ్వవచ్చు.

పంచాయతీ సెక్రటరీ ఈ దరఖాస్తులను హౌసింగ్ బోర్డ్ అధికారులకు పంపుతారు. అధికారులు ఇంటిని స్వయంగా వెళ్లి పరిశీలిస్తారు. వివరాలు నిజమని నిర్ధారించిన తర్వాత డబ్బు విడుదల చేస్తారు. ₹2 లక్షలను రెండు విడతలుగా లబ్ధిదారుల బ్యాంకు ఖాతాలో జమ చేస్తారు. డబ్బు జమ కావాలంటే ఆధార్, బ్యాంకుకు అనుసంధానమైన మొబైల్ నంబర్‌తో EKYC పూర్తి ఉండాలి.

ఒక్కో నియోజకవర్గానికి మొదటి దశలో 500 మంది లబ్ధిదారులను ఎంపిక చేస్తారు. రెండో దశలో మరో 1500 మందిని ఎంపిక చేస్తారు. ఈ ప్రక్రియ మొత్తం ఏడాది లోపు పూర్తి కావాలని ప్రభుత్వం అధికారులకు ఆదేశాలు ఇచ్చింది.