తెలంగాణ సచివాలయంలో బదిలీల హడావుడి — 20% ఉద్యోగులు ఏళ్లుగా అదే సీట్లో

తెలంగాణ సచివాలయంలో బదిలీల నిషేధం ఎత్తివేయడంతో ఉద్యోగుల మధ్య చర్చ మొదలైంది. సుమారు 2,000 మంది ఉద్యోగులు పని చేసే ఈ సచివాలయంలో 20% మంది మాత్రం ఏళ్ళుగా అదే పోస్టులో కొనసాగుతున్నారు.

సచివాలయంలో మొత్తం 1,500కు పైగా regular ఉద్యోగులు, 400 మందికి పైగా outsourcing సిబ్బంది ఉన్నారు. వీరిలో 80% మంది ఉద్యోగులు క్రమంగా బదిలీ అవుతుండగా, మిగిలిన 20% మంది ఒకే స్థానంలో నాలుగేళ్లు పైగా కొనసాగుతున్నారు. వీరిలో junior assistants, senior assistants, section officers, deputy directors, additional directors స్థాయి ఉద్యోగులు ఉన్నారు.

గత నెలలో రాష్ట్ర ప్రభుత్వం బదిలీలపై నిషేధం ఎత్తివేసింది. కొందరు ఉద్యోగులు ఇప్పటికే బదిలీ requests పెట్టుకున్నారు. అయితే కొంతమంది తాము ఉన్న చోటే ఉండాలని కోరుతున్నారని సమాచారం. మూడేళ్లకు పైగా ఒకే చోట ఉన్న వారిని తప్పనిసరిగా బదిలీ చేయాలని సచివాలయంలోని ఒక వర్గం ఉద్యోగులు కోరుతున్నారు.

ఈ నెలాఖరులో ప్రభుత్వం బదిలీలపై తుది నిర్ణయం తీసుకోనుంది.