తెలంగాణ విత్తన రంగ అనుభవం నైజీరియా యువతకు ఉపయోగపడాలి: నాగేశ్వరరావు

తెలంగాణలో నైజీరియా తరబా రాష్ట్రానికి చెందిన యువతకు విత్తన విద్య, వ్యవస్థాపక అభివృద్ధిపై అంతర్జాతీయ శిక్షణ కార్యక్రమం నిర్వహించారు.

ఈ కార్యక్రమం ముగింపు సందర్భంగా నాగేశ్వరరావు మాట్లాడుతూ, భారతదేశంలో విత్తన కేంద్రంగా ఉన్న తెలంగాణ తన పరిజ్ఞానం, సాంకేతికత, అనుభవాన్ని నైజీరియా యువతతో పంచుకోవడం సంతోషంగా ఉందన్నారు.

వ్యవసాయ వ్యాపారం, నీటిపారుదల, రైతు శిక్షణ, వ్యవస్థాపక అభివృద్ధి వంటి అంశాలపై ఈ శిక్షణ ఇచ్చినట్లు తెలిపారు. నైజీరియా యువత ఈ నైపుణ్యాలతో తమ ప్రాంతంలో రైతులను విత్తన వ్యాపారులుగా మార్చి, కంపెనీలు స్థాపించి ఉపాధి కల్పించాలని సూచించారు.

తరబా పేరు పశ్చిమ ఆఫ్రికాలో నాణ్యమైన విత్తనాలకు ప్రతీకగా నిలవాలని, తెలంగాణ భారతదేశంలో ఎలా గుర్తింపు పొందిందో అలాగే నిలవాలని ఆశాభావం వ్యక్తం చేశారు.