తెలంగాణలో 24 లక్షల ఓట్లు తొలగింపు: డబుల్ ఓట్లు, మృతుల పేర్లు వెలుగులోకి

తెలంగాణలో జరుగుతున్న ప్రత్యేక సంక్షిప్త పునర్విమర్శ (SIR) ప్రక్రియలో భాగంగా మొత్తం 24 లక్షల ఓట్లు ఓటర్ల జాబితా నుండి తొలగించబడ్డాయి. ఈ లెక్కల ప్రకారం కాలం చేసిన వ్యక్తుల పేర్లు 6.5 లక్షలు, డబుల్ ఓట్లు 1.5 లక్షలు, శాశ్వత చిరునామా మారిన వారు 12 లక్షలు, మరియు అసలు చిరునామాయే దొరకని ఓటర్లు 78,000 మంది ఉన్నారని ఎన్నికల సంఘానికి సమాచారం పంపించారు.

తెలంగాణలోని 33 జిల్లాల్లో మొత్తం 3 కోట్ల 38 లక్షల ఓట్లు ఉండగా, ఇప్పటివరకు 2 కోట్ల 41 లక్షల దరఖాస్తులు ఆన్‌లైన్‌లో నమోదయ్యాయి. మిగిలిన కోటిన్నర లక్షల దరఖాస్తులు కూడా నమోదైతే అసలు లెక్క తేలుతుందని అధికారులు తెలిపారు. ఆన్‌లైన్‌లో యాదాద్రి జిల్లా అగ్రస్థానంలో ఉంటే, హైదరాబాద్, రంగారెడ్డి, మల్కాజగిరి జిల్లాలు చివరి స్థానాల్లో ఉన్నాయి.

ఇంటింటా తిరుగుతున్న BLO లు డూప్లికేట్ ఓట్లు గుర్తించడానికి, మృతుల పేర్లు తొలగించడానికి కృషి చేస్తున్నారు. ఓటర్లు సరైన సమాచారం నింపని కారణంగా, కొందరు పాస్‌పోర్ట్ ఫొటో లేదు, కొందరి తల్లిదండ్రుల ఓటర్ ID అందుబాటులో లేదు అని చెప్తున్నారు. చదువుకున్న వారికే అర్థం కాని ఫారం చదువురాని వారికి ఇంకా కష్టంగా ఉందని ప్రజలు వాపోతున్నారు.

ఇంకా 10 రోజుల గడువు ఉందని, ఆ లోపు ఫారం నింపితే ఓటు నిలుపుకోవచ్చని అధికారులు స్పష్టం చేశారు. ఇంటికి పేపర్ రాకపోతే ఆన్‌లైన్‌లో నమోదు చేసుకోవాలని, లేదంటే సమీపంలోని కార్యాలయాన్ని సంప్రదించాలని సూచించారు. వచ్చే నెల 3వ తేదీలోపు ఫారం నింపని ఓటర్ల పేర్లు జాబితా నుండి తొలగే అవకాశం ఉందని హెచ్చరించారు.