తెలంగాణలో SIR ప్రక్రియపై కాంగ్రెస్, BRS, BJP మధ్య రాజకీయ వివాదం

తెలంగాణలో ఓటర్ జాబితా Special Intensive Revision (SIR) ప్రక్రియ మొదలవడంతో పార్టీల మధ్య రాజకీయ వివాదం రేగింది. కాంగ్రెస్, BRS పార్టీలు BJP పై విమర్శలు చేశాయి. BJP ఈ విమర్శలను తప్పుపట్టింది.

SIR ను హడావిడిగా చేయాల్సిన అవసరం లేదని కాంగ్రెస్ అభిప్రాయపడింది. రాష్ట్ర ప్రధాన ఎన్నికల అధికారి సుదర్శన్ రెడ్డిని కలిసి విజ్ఞప్తి పత్రం సమర్పించింది. ఈ ప్రక్రియను ఏడాదిన్నర పాటు జాగ్రత్తగా చేయాలని కోరింది. SIR వల్లే బెంగాల్‌లో రాజకీయ సమీకరణాలు మారాయని కాంగ్రెస్ ఆరోపించింది.

BRS నేత కేటీఆర్ మాట్లాడుతూ, ముస్లిం, క్రిస్టియన్ ఓట్లు తొలగించే కుట్ర జరగవచ్చని ఆరోపించారు. బిహార్, బెంగాల్‌లో అలాంటి సమస్యలు జరిగాయని పేర్కొన్నారు. తెలంగాణలోనూ BJP అదే చేయవచ్చని ఆందోళన వ్యక్తం చేశారు.

కేంద్ర మంత్రి కిషన్ రెడ్డి ఈ విమర్శలను తోసిపుచ్చారు. SIR ప్రక్రియ కొత్తది కాదని, అన్ని పార్టీలూ దీనిలో భాగస్వాములు అవుతాయని చెప్పారు. ఈ ప్రక్రియను రాష్ట్ర ప్రభుత్వ ఉద్యోగులే నిర్వహిస్తారని స్పష్టం చేశారు. దేశంలో అక్రమంగా నివాసం ఉంటున్న వారి ఓట్లు తప్పకుండా తొలగించాలని పేర్కొన్నారు. ఏ గ్రామంలో, ఏ polling booth లో అక్రమం జరుగుతుందో నిరూపించాలని BRS, కాంగ్రెస్‌లను కిషన్ రెడ్డి సవాల్ చేశారు.