ఎస్ఐఆర్ ప్రక్రియపై తెలంగాణ పార్టీలు అప్రమత్తం — భిన్న వాదనలు

తెలంగాణలో త్వరలో మొదలుకానున్న Special Intensive Revision (SIR) ప్రక్రియపై అన్ని రాజకీయ పార్టీలు అప్రమత్తమయ్యాయి. తమ కార్యకర్తలను, BLA లను సంసిద్ధం చేస్తున్నాయి.

కాంగ్రెస్ మంత్రి పొన్నం ప్రభాకర్ మాట్లాడుతూ, SIR ప్రక్రియలో BJP రాజకీయ దురుద్దేశం ఉందని ఆరోపించారు. ఎన్నికల కమిషన్ నిష్పక్షపాతంగా పని చేయడం లేదని విమర్శించారు. వచ్చే 10 రోజుల్లో BLA లకు శిక్షణ ఇస్తామని, ఓటు హక్కును కాపాడతామని తెలిపారు.

BRS వర్కింగ్ ప్రెసిడెంట్ KTR మాట్లాడుతూ, అర్హులైన ఓటర్ల ఓట్లు తొలగించబడకూడదని అన్నారు. దొంగ ఓట్లు, డూప్లికేట్ ఓట్లు తొలగించే బాధ్యత BLA లపై ఉందని చెప్పారు.

తెలంగాణ BJP అధ్యక్షుడు రామచంద్రరావు మాట్లాడుతూ, SIR ప్రక్రియకు BJP కి సంబంధం లేదని స్పష్టం చేశారు. కాంగ్రెస్ హయాంలోనే ఈ ప్రక్రియ చేపట్టారని అన్నారు. SIR రాజ్యాంగబద్ధమైన చట్టబద్ధ ప్రక్రియ అని, సుప్రీం కోర్టు కూడా దాన్ని స్పష్టం చేసిందని పేర్కొన్నారు. కాంగ్రెస్, BRS, AIMIM పార్టీలు రాజకీయాలు మానుకొని అర్హులైన ఓటర్లను జాబితాలో చేర్చే ప్రయత్నం చేయాలని విజ్ఞప్తి చేశారు.