తెలంగాణలో తహసీల్దారుల బదిలీలు వివాదం: నిబంధనలు పక్కనెట్టారన్న ఆరోపణ

తెలంగాణలో 12 మంది తహసీల్దారులను బదిలీ చేస్తూ రాష్ట్ర రెవెన్యూ కార్యదర్శి DS లోకేష్ కుమార్ ఉత్తర్వులు జారీ చేశారు. పరిపాలన అవసరాల రీత్యా ఈ బదిలీలు చేపట్టినట్లు ఆ ఉత్తర్వులు పేర్కొన్నాయి.

ఈ బదిలీల్లో ఏడుగురు తహసీల్దారులను నేరుగా District Revenue Officers (DROs)గా నియమించారు. ఒకరిని Collector కు PA గా, మరో నలుగురిని SDC LA పోస్టులకు బదిలీ చేశారు. ఒక మంత్రి సిఫార్సు మేరకు ఈ నియామకాలు జరిగాయని ఆరోపణలు వినిపిస్తున్నాయి.

తహసీల్దారు హోదా నుండి DRO కి నేరుగా పదోన్నతి పొందేందుకు నిబంధనలు అనుమతించవు. మొదట Deputy Collector, ఆ తర్వాత Special Grade Deputy Collector, ఆ తర్వాత Additional Collector క్రమంలో సీనియారిటీ ఆధారంగా మాత్రమే DRO పదోన్నతి కలుగుతుంది. ఇందుకు విరుద్ధంగా తహసీల్దారులను నేరుగా DRO లుగా నియమించారన్న అభ్యంతరాలు వ్యక్తమవుతున్నాయి.

రెవెన్యూ శాఖలో ఉన్నత స్థాయి అధికారులు, ఉద్యోగ సంఘాలు ఈ నిర్ణయాన్ని వ్యతిరేకిస్తున్నాయి. నిబంధనలు పాటించకుండా పదోన్నతులు ఇస్తే అర్హులైన వారికి నష్టం జరుగుతుందని ఉద్యోగ సంఘాలు పేర్కొన్నాయి. పాలనాపరమైన ఇబ్బందులు తలెత్తే అవకాశం ఉందని రెవెన్యూ అధికారులు అభిప్రాయపడుతున్నారు.

ఈ విషయంపై తెలంగాణ ప్రభుత్వం స్పందన తెలియాల్సి ఉంది.