తెలంగాణలో ఉష్ణోగ్రతలు తగ్గాయి — పలు జిల్లాలకు వర్షాల అలర్ట్

తెలంగాణలో ఉష్ణోగ్రతలు రెండు మూడు డిగ్రీలు తగ్గాయని వాతావరణ శాఖ అధికారులు తెలిపారు. ఈ పరిస్థితి మరో రెండు మూడు రోజులు కొనసాగే అవకాశం ఉందని చెప్పారు.

ఉత్తర తూర్పు జిల్లాల్లో వడగాలుల తీవ్రత అధికంగా ఉంటుందని హెచ్చరించారు. అదిలాబాద్, కొమురంభీమ్, మంచిర్యాల, కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం జిల్లాల్లో వడగాలులు తీవ్రంగా ఉంటాయని తెలిపారు. ఈ ప్రాంతాల్లో నిన్న 42–43°C ఉష్ణోగ్రతలు నమోదయ్యాయి.

మిగిలిన జిల్లాల్లో 41°C నుంచి 44°C గరిష్ట ఉష్ణోగ్రతలు నమోదయ్యే అవకాశం ఉందని అధికారులు తెలిపారు. సాయంత్రం సమయంలో జనగాం, మధ్య, దక్షిణ జిల్లాల్లో మోస్తరు వర్షాలు పడే అవకాశం ఉంది. గంటకు 40 నుంచి 50 కిలోమీటర్ల వేగంతో గాలులు వీస్తాయని చెప్పారు.

ఉత్తర తూర్పు జిల్లాల్లో వడదెబ్బ వల్ల నిన్న 19 మంది మరణించినట్టు గణాంకాలు చెప్తున్నాయి. మధ్యాహ్నం సమయంలో బయటికి రావద్దని, తగిన జాగ్రత్తలు తీసుకోవాలని అధికారులు ప్రజలను హెచ్చరించారు.