ద్రవ్యోల్బణంలో తెలంగాణ దేశంలోనే అగ్రస్థానంలో: 6.15%తో కేంద్ర గణాంకాల నివేదిక

కేంద్ర గణాంకాల శాఖ ఇటీవల విడుదల చేసిన నివేదిక ప్రకారం, తెలంగాణలో ద్రవ్యోల్బణం రేటు 6.15 శాతంగా నమోదైంది. దేశంలోని ప్రధాన రాష్ట్రాలలో ఇదే అత్యధికం. దేశవ్యాప్తంగా జాతీయ సగటు ద్రవ్యోల్బణం 3.93 శాతంగా ఉంది. ఆర్బీఐ నిర్దేశించిన పరిమితి 4 శాతం.

తెలంగాణతో పాటు ఇతర రాష్ట్రాల ద్రవ్యోల్బణ గణాంకాలు కూడా వెల్లడయ్యాయి. తమిళనాడు 5.11%, ఆంధ్రప్రదేశ్ 4.90%, కర్ణాటక 4.59%, మధ్యప్రదేశ్ 4.17% ద్రవ్యోల్బణాన్ని నమోదు చేశాయి. ఢిల్లీ 2.5%తో అత్యల్ప స్థానంలో నిలిచింది.

ఆహార ధరలు, ఇంధనం, రవాణా ఖర్చులు, ఎరువుల ధరలు పెరగడం వల్ల ద్రవ్యోల్బణం పెరిగినట్లు నివేదిక పేర్కొంది. తెలంగాణలో ఆహార ద్రవ్యోల్బణం 4.8 శాతం, హోటల్స్-రెస్టారెంట్ల ధరలు 5.75% పెరిగాయి. వ్యక్తిగత సేవల ఖర్చులు కూడా పెరగడంతో వినియోగదారులపై ఒత్తిడి పడింది.