పర్సెంటేజ్ వివాదంపై తెలుగు ఫిలిం చాంబర్ 18 మంది కమిటీ ఏర్పాటు

తెలుగు ఫిలిం చాంబర్ పర్సెంటేజ్ విధానంపై 18 మంది సభ్యులతో సమన్వయ కమిటీ ఏర్పాటు చేస్తున్నట్లు ప్రకటించింది. ఎగ్జిబిటర్లు, నిర్మాతలు, డిస్ట్రిబ్యూటర్లు — ప్రతి విభాగం నుండి ఆరుగురు చొప్పున ఈ కమిటీలో సభ్యులుగా ఉంటారు.

నిర్మాతల తరపున సుప్రియ, బాపినీడు, రవి చెరుకూరి, సుధాకర్, SKN, ప్రసన్న కుమార్ సభ్యులుగా ఉన్నారు. డిస్ట్రిబ్యూటర్ల తరపున సుధాకర్ రెడ్డి, వీర నాయుడు, ముత్యాల రామదాసు, ధీరజ్, నాగార్జున ఠాగూర్, మధు ఉన్నారు. ఎగ్జిబిటర్ల తరపున అనుపమ రెడ్డి, బాలగోవింద్, ఒంగోలు బాబు, కాకినాడ శ్రీనివాస్, ప్రతాప్ రెడ్డి, వైజాగ్ చెన్న ఉన్నారు. తెలంగాణ ఫిలిం చాంబర్ నుండి విజయేందర్ రెడ్డి ఆప్షనల్ సభ్యుడిగా చేర్చారు.

సమావేశంలో మొదట్లో వాగ్వాదం జరిగినా, దిల్ రాజు, సురేష్ బాబు, శ్రవంతి, రవి కిషోర్, శ్రీ కల్యాణ్ వంటి పెద్దలు జోక్యం చేసుకుని పరిస్థితిని సాధారణంగా మార్చారు. రెండు నెలల్లోపు విషయాన్ని పరిష్కరించాలని నిర్ణయించారు.

జూన్ 4న విడుదల కానున్న పెద్ద సినిమాతో సహా అన్ని సినిమాలు సింగిల్ స్క్రీన్లలో సహా అన్ని థియేటర్లలో సజావుగా విడుదల అవుతాయని నిర్మాత సతీష్ కిల్లర్ తెలిపారు.