నిర్మాతలు vs ఎగ్జిబిటర్లు: పర్సెంటేజ్ వివాదం టాలీవుడ్‌కు కొత్త సమస్య

థియేటర్ యజమానులు (ఎగ్జిబిటర్లు) మరియు నిర్మాతల మధ్య పర్సెంటేజ్ విధానంపై వివాదం తెలుగు సినీ పరిశ్రమలో కొత్త సమస్యగా మారింది.

ఎగ్జిబిటర్లు అన్ని సినిమాలకు పర్సెంటేజ్ పద్ధతిలో ఆదాయం పంపిణీ జరగాలని డిమాండ్ చేస్తున్నారు. సింగిల్ స్క్రీన్ థియేటర్ల మనుగడ ప్రశ్నార్థకంగా మారిందని వారు చెప్తున్నారు.

నిర్మాతలు పర్సెంటేజ్ విధానానికి అంగీకరిస్తున్నారు. అయితే ప్రస్తుతం సెట్స్ మీద ఉన్న సినిమాలకు మినహాయింపు ఇవ్వాలని కోరుతున్నారు. ఆ సినిమాల బడ్జెట్ మరియు పేమెంట్లు ముందే నిర్ణయమయ్యాయని, ఇప్పుడు పర్సెంటేజ్ విధానం వర్తింపజేస్తే నష్టం వస్తుందని వారు వాదిస్తున్నారు.

ఇరు పక్షాలూ వెనక్కి తగ్గకపోవడంతో ఫిలిం చాంబర్ జోక్యం చేసుకుంది. రెండు నెలల్లోగా నివేదిక ఇవ్వాలని స్పెషల్ కమిటీని నియమించింది.

ప్రస్తుతం production లో ఉన్న అనేక సినిమాలు మరో ఏడాదిలో విడుదల కానున్నాయి. ఈ వివాదం ఆ సినిమాల విడుదలపై ఎంత ప్రభావం చూపుతుందో స్పెషల్ కమిటీ నివేదిక వచ్చిన తర్వాత స్పష్టమవుతుంది.