నిషేధిత పారాక్వాట్ వాడకంతో ఎన్టీఆర్ జిల్లాలో కౌలు రైతు మృతి

ఎన్టీఆర్ జిల్లా తిరుమలగిరిలో కౌలు రైతు సత్యనారాయణ పొలంలో గడ్డి మందు పారాక్వాట్ను స్ప్రే చేస్తుండగా ప్రమాదవశాత్తు మిషన్ వైర్ కట్ అయి ఆ మందు నోట్లో పడింది. వెంటనే ఆసుపత్రికి తరలించినా చికిత్స పనిచేయక మృతి చెందారు.

పారాక్వాట్ విక్రయంపై ఆంధ్రప్రదేశ్, తెలంగాణ రాష్ట్రాలు నిషేధం విధించాయి. అయితే కొందరు వ్యాపారులు నిషేధం లేదని చెప్పి ఇప్పటికీ యథేచ్ఛగా విక్రయిస్తున్నారని ఆరోపణలు ఉన్నాయి.

ఈ ఘటనపై పోలీసులు కేసు నమోదు చేశారు. నిషేధిత గడ్డి మందులు విక్రయించే వారిపై చర్యలు తప్పవని తెలిపారు. వ్యవసాయ కమిషనర్ ఇటీవల పారాక్వాట్ విక్రయాలపై ఆంక్షలు విధిస్తూ ఆదేశాలు జారీ చేశారు. అధికారులు అప్రమత్తమయ్యారు.