ఉత్తరప్రదేశ్‌లో ఒకే వ్యక్తిని ముగ్గురు యువతులు వివాహం; వైరల్ వీడియోపై చర్చ

ఉత్తరప్రదేశ్‌లో ముగ్గురు యువతులు ఒకే వ్యక్తిని గుడిలో వివాహం చేసుకున్నట్లు వీడియో వైరల్ అయ్యింది. ఈ ముగ్గురిలో ఇద్దరు అక్కా చెల్లెళ్లు కాగా, మరో యువతి కజిన్ అని తెలుస్తోంది.

రీల్స్ చేసే ఈ యువతులు తమ ఫోటోగ్రాఫర్‌తో ప్రేమలో పడ్డారు. విడివిడిగా వివాహం చేసుకుంటే విడిపోవాల్సి వస్తుందనే భయంతో ముగ్గురూ కలిసి అతడినే వివాహం చేసుకోవాలని నిర్ణయించుకున్నారు. ఇంట్లో వారికి తెలియకుండా స్థానిక గుడిలో వివాహం జరిపించుకున్నారు.

వీరిలో కొందరి వయసు 17 ఏళ్లు, మరొకరిది 18 ఏళ్లు కాగా, యువకుడి వయసు 20 ఏళ్లు. భారత చట్టం ప్రకారం అమ్మాయికి 18, అబ్బాయికి 21 ఏళ్లు నిండిన తర్వాతే వివాహం చెల్లుతుంది. ఇక్కడ వయసు పరిధిలో లేనందున ఈ వివాహం చట్టబద్ధం కాదు.

కుటుంబ సభ్యులు నిలదీసినప్పుడు దశరథుడికి ముగ్గురు భార్యలు ఉన్నారని వీరు సమర్థించుకున్నారు. సోషల్ మీడియాలో ఈ ఘటనపై చర్చ కొనసాగుతోంది.