పోలవరం జిల్లాలో పులి సంచారం — పవన్ కళ్యాణ్ పట్టుకోవాలని ఆదేశాలు

పోలవరం జిల్లా గంగవరం మండలంలోని వేములోవ, ఆర్జీపురం పరిసర ప్రాంతాల్లో పులి సంచరిస్తోంది. గడిచిన మూడు నెలలుగా పులి ఈ ప్రాంతంలో ఉందని అటవీ శాఖ అధికారులు ధృవీకరించారు.

ఈ పులి తెలంగాణ నుండి ఆంధ్రప్రదేశ్‌లోకి ప్రవేశించింది. గతంలో పాపికొండ నేషనల్ వైల్డ్‌లైఫ్ శాంక్చురీలో వదిలిపెట్టినప్పటికీ, పులి అక్కడి నుండి బయటకు వచ్చి గ్రామాల వైపు సంచరిస్తోంది. రెండు రోజుల్లో పులి పశువులను చంపింది.

డిప్యూటీ CM పవన్ కళ్యాణ్ అటవీ శాఖ అధికారులతో సమీక్ష నిర్వహించారు. పులిని బంధించాలని ఆయన ఆదేశాలు ఇచ్చారు. ఈ ప్రాంతంలో ప్రత్యేక టీం ఏర్పాటు చేశారు. పులిని వెంటనే అడవిలోకి పంపించేలా చర్యలు తీసుకోవాలని అధికారులకు చెప్పారు.

పులి దాడిలో పశువులను కోల్పోయిన రైతులకు నష్టపరిహారం చెల్లిస్తామని Chief Conservator of Forests అధికారి జ్యోతి తెలిపారు. ప్రజలు గుంపులు గుంపులుగా పొలాల్లోకి వెళ్లాలని, ఒంటరిగా వెళ్లవద్దని హెచ్చరించారు. ఉదయం, సాయంత్రం వేళల్లో ముఖ్యంగా జాగ్రత్తగా ఉండాలని సూచించారు.

పులిని పట్టుకునే ప్రయత్నాలు కొనసాగుతున్నాయి.