తిలక్ వర్మ 75 పరుగులతో ముంబై విజయం — పంజాబ్‌కు వరుసగా 5వ ఓటమి

ధర్మశాల హిమాచల్ ప్రదేశ్ క్రికెట్ అసోసియేషన్ స్టేడియంలో జరిగిన IPL 2026 సీజన్ 58వ మ్యాచ్‌లో ముంబై ఇండియన్స్ పంజాబ్ కింగ్స్‌పై విజయం సాధించింది. 201 పరుగుల లక్ష్యాన్ని నాలుగు వికెట్లు కోల్పోయి చేదించింది.

తిలక్ వర్మ 33 బంతుల్లో 75 పరుగులు చేసి నాటౌట్‌గా నిలిచాడు. ఆరు సిక్సర్లు, ఆరు ఫోర్లు బాదాడు. చహల్ వేసిన ఓ బంతిని స్టేడియం బయటకు పంపాడు. చివరి ఓవర్‌లో 15 పరుగులు కావలసి వచ్చాయి. జాక్స్ మొదటి బంతిని సిక్స్‌గా మలిచాడు. తర్వాత తిలక్ వర్మ నాలుగు, ఐదవ బంతులను వరుసగా సిక్సర్లుగా పంపి ముంబైని గెలిపించాడు.

ఓపెనర్ రికెల్టన్ 23 బంతుల్లో 48 పరుగులు చేశాడు. రోహిత్ శర్మ చహల్ బౌలింగ్‌లో బౌల్డ్ అయ్యాడు. రుదర్‌ఫార్డ్ జాక్స్ తిలక్ వర్మకు తోడ్పాటు అందించాడు.

పంజాబ్ కింగ్స్ 20 ఓవర్లలో ఎనిమిది వికెట్లు కోల్పోయి 200 పరుగులు చేసింది. ఓపెనర్ ప్రభ్‌సిమ్రన్ సింగ్ 32 బంతుల్లో 57 పరుగులు చేసి షార్దుల్ ఠాగూర్ బౌలింగ్‌లో వెనుదిరిగాడు. ఆర్య 17 బంతుల్లో 22 పరుగులు చేసి దీపక్ చహార్ బౌలింగ్‌లో బౌల్డ్ అయ్యాడు. Jasprit Bumrah toss గెలిచి bowling ఎంచుకున్నాడు.

పంజాబ్‌కు ఇది వరుసగా ఐదవ ఓటమి. ముంబై ఇప్పటివరకు 12 మ్యాచులు ఆడగా నాలుగింటిలో గెలిచింది.