తిరుమలలో భారీ రద్దీ, శ్రీవారి లడ్డూ విక్రయాలు రికార్డు స్థాయిలో

తిరుమల శ్రీ వేంకటేశ్వర స్వామి ఆలయంలో భక్తుల రద్దీ భారీగా పెరిగింది. వైకుంఠం క్యూ కాంప్లెక్స్‌లోని 31 కంపార్ట్‌మెంట్లు నిండిపోయాయి. క్యూ లైన్లు రెండు రోజులుగా క్యూ కాంప్లెక్స్ బయట 2 కిలోమీటర్ల వరకు విస్తరించాయి.

దర్శన సమయాలు: టోకెన్లు లేని భక్తులకు సర్వదర్శనానికి 15 గంటలు, రూ.300 టికెట్లు ఉన్నవారికి 6 గంటలు, సర్వదర్శన టోకెన్ పొందిన వారికి 8 గంటల సమయం పడుతోందని టీటీడీ అధికారులు ప్రకటించారు.

ఈ రద్దీ మధ్య శ్రీవారి లడ్డూ ప్రసాదాల విక్రయాలు కూడా రికార్డు స్థాయికి చేరాయి. 2026 జూన్‌లో 1. కోటి 26 లక్షలకు పైగా లడ్డూలు అమ్ముడయ్యాయి. గత ఏడాది జూన్‌తో పోలిస్తే 7.6 లక్షల లడ్డూలు అధికంగా, 2024తో పోలిస్తే 24.17 లక్షల లడ్డూలు ఎక్కువగా విక్రయమయ్యాయి. ఇది వరుసగా 6.37 శాతం, 23.55 శాతం వృద్ధిని సూచిస్తుంది.

భక్తుల రద్దీకి అనుగుణంగా టీటీడీ లడ్డూ ఉత్పత్తిని పెంచింది. ప్రసాదాల కొరత లేకుండా అందిస్తోంది.