తిరుమల పుష్కరిణిలో 8వ మెట్టు ప్రత్యేకత ఏమిటి?

తిరుమల శ్రీ వేంకటేశ్వర స్వామి ఆలయంలోని పుష్కరిణిలో ఎనిమిదవ మెట్టును అష్టమ సోపానం అని పిలుస్తారు. భక్తులు స్వామి దర్శనానికి ముందు ఈ పుష్కరిణిలో స్నానం చేసే సంప్రదాయం ఉంది.

భక్తుల విశ్వాసం ప్రకారం, జాతకంలో ఎనిమిదవ స్థానం శని భగవానుడిది. అష్టమ శని, అర్ధాష్టమ శని దోషాలు ఉన్నవారు పుష్కరిణిలో ఎనిమిదవ మెట్టుపై ఒక నిమిషం నిలబడి శనీశ్వరుడిని ప్రార్థించాలని చెబుతారు.

ఆ తర్వాత పుష్కరిణి నీటితో స్నానం చేయడం లేదా నీటిని తలపై ప్రోక్షించుకోవడం వల్ల శని సంబంధిత దోషాల నుంచి ఉపశమనం లభిస్తుందని నమ్ముతారు. తిరుమలకు వెళ్లే భక్తులు ఈ సంప్రదాయాన్ని పాటిస్తుంటారు.