70 ఏళ్ల తర్వాత కుంభకోణం ఆలయానికి చేరిన తిరుమంగాయి ఆల్వార్ విగ్రహం

కుంభకోణంలోని సౌందరరాజ పెరుమాల్ ఆలయం నుంచి 1957–1967 మధ్య నాలుగు విగ్రహాలు చోరీ అయ్యాయి. వీటిలో తిరుమంగాయి ఆల్వార్ కాంస్య విగ్రహం బ్రిటన్లోని ఆక్స్ఫర్డ్ యష్మోలియన్ మ్యూజియంలో ఉన్నట్టు తమిళనాడు పోలీసుల Idol Wing గుర్తించింది.

1967లో ఓ గుర్తు తెలియని వ్యక్తి నుంచి మ్యూజియం ఈ విగ్రహాన్ని కొనుగోలు చేసింది. దర్యాప్తులో ఇది కుంభకోణం ఆలయం నుంచి అక్రమంగా తరలించిన విగ్రహమని ఆధారాలతో నిర్ధారించారు.

దర్యాప్తు తర్వాత విగ్రహాన్ని తిరిగి భారత్కు పంపేందుకు మ్యూజియం అంగీకరించింది. ఈ పురాతన విగ్రహం ఇటీవల ఢిల్లీ చేరుకుంది. తమిళనాడు పోలీసులు దానిని చెన్నైకి తీసుకెళ్లారు.

కోర్టు ద్వారా విగ్రహాన్ని ఆలయ నిర్వాహకులకు అప్పగించారు. దీంతో తిరుమంగాయి ఆల్వార్ విగ్రహం మళ్లీ సొంత ఆలయానికి చేరింది. స్థానికులు ఘనంగా స్వాగతం పలికారు.