తిరుపతిలో తీవ్ర వడగాలులు: ఉష్ణోగ్రత 45 డిగ్రీలు దాటింది

తిరుపతి నగరంలో వడగాలులు తీవ్రంగా ఉన్నాయి. గడిచిన వారం రోజులుగా ఉష్ణోగ్రతలు 41–42°C మధ్య నమోదవుతున్నాయి. నాలుగు రోజుల క్రితం ఉమ్మడి చిత్తూరు జిల్లాలో ఒక ప్రాంతంలో 45°C నమోదైంది.

పదిగంటల తర్వాత ఎండ తీవ్రత పెరిగిపోతోంది. మధ్యాహ్నం నాలుగు గంటల వరకు ఎండ ముమ్మరంగా ఉంటోంది. ప్రధాన రోడ్లు నిర్మానుష్యంగా మారుతున్నాయి.

తిరుమల కొండపైన యాత్రికులు, పిల్లలు, వృద్ధులు ఇబ్బందులు పడుతున్నారు. వైద్యులు మరియు వాతావరణ శాఖ అధికారులు తీవ్రంగా హెచ్చరిస్తున్నారు. వడదెబ్బ బారిన పడకుండా అనవసరంగా బయటకి రావద్దని సూచిస్తున్నారు.

విపత్తు నిర్వహణ సంస్థ కూడా హెచ్చరికలు జారీ చేసింది. తప్పనిసరి అయినప్పుడు మాత్రమే అన్ని జాగ్రత్తలు పాటించి బయటకి రావాలని తెలిపింది. చిన్న పిల్లలు, వయసు మళ్ళిన వారు ఇళ్లకే పరిమితమవ్వాలని సూచించారు.

రాబోయే నాలుగు రోజుల్లో ఉష్ణోగ్రతలు మరో రెండు–మూడు డిగ్రీలు పెరగవచ్చని అధికారులు తెలిపారు. మార్చి నెల నుండే తిరుపతిలో గరిష్ట ఉష్ణోగ్రతలు నమోదవుతున్నాయి.